Ien daladan tabylǵan adam qańqasyn qyzylordalyq polıtseıler saraptamaǵa jiberdi
Búgin Facebook áleýmettik jelisinde birneshe kúnnen beri toqtamaǵan jelden qum kóship, «Aral – Gaz» jáne Belkóldegi poıyz turaǵy mańynan adam qańqasy tabylǵany týraly aqparat tarady.
«Atalǵan derek boıynsha «001» (tabylǵan máıit) sanatymen qylmystyq is tirkelip, sotqa deıingi tergep-tekserý áreketteri júrgizilip jatyr.
Qyzylorda qalasy Belkól kentine qarasty dalalyq jerge júrgizilgen qarap-tekserý barysynda adam súıekterine uqsaıtyn bólikter tabylyp, aıǵaqty zat retinde alyndy.
Tıisti saraptamalar taǵaıyndaldy.
Boljam boıynsha, oqıǵa ornyna jaqyn jerlerde mazarlar turǵyzylýyna oraı, adam súıegine uqsaıtyn zattar tabylǵan oryn eski qorym bolýy múmkin», - delingen aqparatta.
Polıtsııa málimetinshe, QR Qylmystyq-protsestik kodeksiniń 201-babyna sáıkes, ózge málimet jarııa etýge jatpaıdy.
