IELTS synaǵynan 5.5 jáne 5.0. upaı alǵan talapkerler aǵylshyn tilinen UBT tapsyrmaýy múmkin
Qazir de halyqaralyq sertıfıkaty bar talapkerler UBT-dan bosatylady. Bul kóbinese IELTS/TOEFL emtıhandaryna baılanysty, eger IELTS sertıfıkaty 6 baldan joǵary bolsa, talapkerlerge avtomatty túrde 45 ball beriledi.
«UBT sertıfıkatynda aǵylshyn tili boıynsha upaılar kórsetilmeıdi. JOO-nyń qabyldaý komıssııalary bilim berý granttaryn berý nemese aqyly negizde qabyldaý ótinishin bergende sertıfıkattardyń rastyǵy men qoldanylý merzimin tekseredi. Sertıfıkattyń túpnusqalyǵyn teksergen soń birden 45 ball beriledi. Al qazir jańa ózgerister ázirlenip jatyr. IELTS synaǵynan 5 jáne 5,5 ball alǵan talapkerlerge UBT-da aǵylshyn tili boıynsha ball berilýi múmkin», - Ulttyq testileý ortalyǵynyń dırektory Rýslan Emelbaev Ortalyq kommýnıkatsııalar qyzmetinde.
Aıta keteıik, qańtar aıyndaǵy UBT-ny 123 myń adam tapsyrdy. Testileý qorytyndysy boıynsha 102 myńǵa jýyq talapker shekti ball (50) jınady, bul qatysýshylardyń jalpy sanynyń 83%-yn quraıdy. Al 21 myńnan astamy (17%) shekti ball jınaı almady.
Jalpy UBT ortasha baly 76 baldy qurady. Eń joǵary ball – 139, oǵan Qazaqstan boıynsha 5 talapker qol jetkizgen.
