Ielerine shabýyl jasaǵan arystan Almaty zoobaǵynda qalaı ómir súrip jatyr
ALMATY. QazAqparat - 3 jyl buryn zoobaqqa ótkizilgen Hamzat atty arystannyń abdany zoobaqta týǵan kúnin toılady. Jyrtqyshtyń kútimi qalaı ekenin QazAqparat tilshisine zoobaqtyń baspasóz qyzmeti aıtyp berdi.
Abdan 2015 jyldyń 9 qańtarda dúnıege kelgen. 2016 jyly qańtar aıynyń basynda ıeleri Almaty zoobaǵyna ótkizgen. Burynǵy qojaıyndary súıkimdi arystan kúshigin qoldan satyp alǵan. Ádette, adamdar jyrtqysh ańdardyń kúshikterin ermek retinde asyraıtyny belgili. Al keıin mundaı ańdar óse kele, ózderiniń ıelerin «ermekke» aınaldyrady, tistelep mazalaryn ala bastaıdy. 
8-9 aılyǵynda tisi batqan soń qojaıyndary abdandy amalsyz zoobaqqa ótkizgen edi. 3 jylda Hamzat eresek arystanǵa aınaldy.
«Qazir onyń qasyna Dana esimdi urǵashy arystan qostyq. Týǵan kún keshine arnaıy jaıylǵan dastarhandy ekeýi shashyp tastady. Birinshi urǵashy arystan tamaqtandy. Sosyn oǵan Hamzat qosyldy. Zoobaqty tamashalaýǵa kelgen balalar men eresekter bul kóriniske máz boldy», - dedi sektsııa basqarýshysy Dáýren Kenjebaev.
Ol 10 jyldan beri zoobaqtaǵy jyrtqysh janýarlardy baǵyp-qaǵýmen aınalysyp keledi.
Eske sala ketsek, Hamzattyń 8-9 aılyǵynda zoobaqqa kelý tarıhyn jazǵan bolatynbyz.
