IDM energııa servıstik qyzmetter naryǵy operatorynyń qyzmetin Energııa únemdeýdi damytý ınstıtýtyna tapsyrýdy usyndy
ASTANA. QazAqparat - Qazaqstanda energııa servıstik qyzmetter naryǵy operatorynyń rólin QR Investıtsııalar jáne damý mınıstrligi janyndaǵy «Elektr energetıkasyn jáne energııa únemdeýdi damytý ınstıtýty» AQ-na tapsyrý usynyldy, dep málimdedi búgin vedomstvo basshysy Áset Isekeshev Parlament Májilisinde «Qazaqstannyń ındýstrıaldy-ınnovatsııalyq saıasaty máseleleri boıynsha zańnamasyna ózgertýler men tolyqtyrýlar engizý týraly» Zań jobasyn tanystyrý barysynda. Bul týraly primeminister.kz jazdy.
«Germanııanyń úzdik tájirıbesine súıenip, mınıstrlik janyndaǵy energııany únemdeýdi damytý ınstıtýty bazasynda energojúıeli qyzmet naryǵy operatory qyzmetin zańnamalyq turǵyda bekitý usynyldy. Osylaısha, jańa sala jasaqtalady. Bul ınstıtýt energotıimdilik kartasyn jasaqtap, júrgizetin bolady», - dedi Á.Isekeshev. Sonymen qatar, mınıstr ınstıtýttyń jumysyna ádistemelik kómek berý úshin nemistiń «dena» energetıkalyq agenttigi tartylyp jatqanyn aıtty. «Agenttik ınstıtýtqa ádistemelik bazasyn jasaqtaýda kómektesetin bolady. Sonymen qatar, kem degende 3 strategılyq ınvestorlar tartylady. Qabyldanǵan sharalar nátıjesinde shamamen 100 jobany júzege asyrý kózdelgen», - dep túsindirdi QR IDM basshysy. Jalpy, Á.Isekeshevtiń aıtýynsha, energotıimdilik salasynyń ınvestıtsııalyq tartymdylyǵyn arttyrýda zańnamalyq kedergilerdi alyp tastaý usynyldy. ıAǵnı, energoresýrstar esebinen energojúıelik kompanııalardyń qyzmetin tóleýdi uzaq merzimdi josparlaý qarastyrylyp otyr.
