IDM: Berlınde zardap shekken qazaqstandyqtar týraly aqparat túsken joq
ASTANA. QazAqparat - Berlınde júrgen qazaqstandyqtarǵa adam kóp jınalǵan oryndarǵa barmaǵan jón. Bul týraly QR IDM Týrızm ındýstrııasy departamentiniń dırektory Marat Iǵalı óziniń Facebook paraqshasynda jazdy.
«QR Investıtsııalar jáne damý mınıstrliginiń Týrızm ındýstrııasy departamentine zardap shekken qazaqstandyq týrıster týraly aqparat kelip túsken joq», - dep jazdy ol. QR IDM mınıstrliginiń Týrızm ındýstrııasy departamenti Germanııa aýmaǵynda júrgen týrısterdi saq júrýge, adam kóp shoǵyrlanǵan oryndarǵa barmaýǵa shaqyrady.
Álemdik BAQ-tyń habarlaýynsha, 2016 jyly 20 jeltoqsanda Berlın ortalyǵyndaǵy Braıtshaıdplats alańynda ornalasqan rojdestvolyq jármeńkede júrgen halyqty júk kóligi soqqan, dep habarlaıdy «QazAqparat» HAA-nyń menshikti tilshisi.
Sońǵy derekter boıynsha, mert bolǵandar 12 adamǵa deıin ósti jáne 48 adam aýrýhanaǵa tústi.
Oqıǵaǵa kýá bolǵandardyń aıtýynsha, júk kóligi búkil alań boıymen júrip ótip, shyrshanyń janyna kelip toqtaǵan.
