«Id ál-Fıtr» merekesi kezinde BAÁ-ge júzdegen myń týrıst kelmek
ÁBÝ-DABI. 4 tamyz. QazAqparat - Dýbaıda Ramazan aıynyń aıaqtalýy qurmetine ótetin Id ál-Fıtr ıslam merekesine kórshiles arab áleminen júzdegen myń týrısterdiń kelýi kútilýde.
Bıylǵy jyly BAÁ bıligi 7-10 tamyz kúnderinde tórt kúndik demalys jarııalady. Osy demalys kúnderi Ámirlikke dástúr boıynsha kórshiles Oman, Katar, Saýd Arabııasy jáne basqa elderden kóptegen týrıster aǵylady.
Dýbaı ámirligi týrızm departamentiniń ókilderi Ramazannyń aıaqtalýyna oraı úlken merekelik baǵdarlama ázirleýde.
Dýbaıdyń festıvaldar men bólshek saýda uıymdastyrý departamentiniń atqarýshy dırektory Mohammed Sýheıl ámirlik megapolısinde arab estrada juldyzdarynyń qatysýymen kóptegen kontsertter, orasan zor feıerverk-shoý jáne otbasymen birge demalý úshin kóptegen sharalar uıymdastyrylatynyn aıtty.
Al BAÁ turǵyndary, onyń kópshiligin quraıtyn Eýropadan, AQSh pen Azııa elderinen kelgen jaldamaly jumysshylar qysqa merzimdi kanıkýl kúnderinde týystaryna baryp qaıtýǵa nemese klımaty qońyrjaı aımaqtyń kórshiles elderine barýdy josparlaýda.
Ámirlik astanasy - Ábý-Dabı turǵyndary men qonaqtary úshin merekelik kádesyılar usynylmaq. Máselen ADNEC kórme ortalyǵynda «Summerfest» arab mádenıeti festıvali ótpek, al «DU Forum» ortalyǵynda Lıvannan, Egıpetten jáne Iordanııadan arab oryndaýshylarynyń birneshe kontsertteri uıymdastyrmaqshy.
