ICBC Qazaqstan ekonomıkasyna uzaqmerzimdi ınvestıtsııa salýǵa daıyn
ASTANA. KAZINFORM — Oljas Bektenov ICBC basshysy Lıý Tszıýnmen 1 mlrd ıýannan astam ınvestıtsııa tartý máselesin talqylady, dep habarlaıdy Úkimettiń baspasóz qyzmeti.
Qazaqstan Respýblıkasynyń Premer-mınıstri Oljas Bektenov Industrial and Commercial Bank of China basqarma tóraǵasy Lıý Tszıýnmen kezdesý ótkizdi. Onda ınvestıtsııalyq yntymaqtastyqty tereńdetý perspektıvalary jáne uzaqmerzimdi qarjylandyrýdy tartý máseleleri talqylandy.
2024 jyly Qazaqstan men Qytaı arasyndaǵy ekijaqty taýar aınalymy $44 mlrd-ty qurap, rekordtyq kórsetkishke jetti. 2025 jyldyń 4 aıy qorytyndysy boıynsha ózara saýda kólemi odan ári ósip, taýar aınalymy ótken jyldyń sáıkes kezeńimen salystyrǵanda 3,4%-ǵa ósti. Búginde Qytaı Qazaqstan ekonomıkasyndaǵy eń iri ınvestorlardyń bestigine kiredi, jınaqtalǵan kapıtal salymdarynyń kólemi $26 mlrd-ty quraıdy. Premer-mınıstr Qytaı Qazaqstannyń negizgi saýda-ekonomıkalyq jáne ınvestıtsııalyq seriktesi sanalatynyn atap ótti.
— Memleket basshysy ekonomıkaǵa ınvestıtsııa tartý mindetin qoıdy. Úkimet halyqaralyq qarjy ınstıtýttarymen yntymaqtastyqty nyǵaıtý baǵytynda belsendi jumys júrgizýde. Qazaqstan men Qytaıdyń eki el kóshbasshylary arasyndaǵy tikeleı dostyǵyna negizdelgen senim men syılastyq baılanystary tereńde jatyr. Biz ICBC-men uzaqmerzimdi strategııalyq seriktestikti damytýǵa múddelimiz. Jańa birlesken bastamalardy júzege asyrý eki el arasyndaǵy qarjy-ekonomıkalyq baılanystardy nyǵaıtýǵa jáne birlesken damýdyń jańa kókjıekterin ashýǵa yqpal etedi, — dep atap ótti Oljas Bektenov.
Qazaqstanda ICBC enshiles banki – «Almaty qalasyndaǵy Qytaıdyń saýda-ónerkásip banki» AQ enshiles banki jumys isteıdi. Kezdesýde ICBC ekonomıkanyń negizgi salalaryn qoldaýǵa qatysqany, onyń ishinde «Báıterek» holdıngimen birlesken jobalardy júzege asyrǵany atap ótildi. Osylaısha, 2025 jyldyń naýryz aıynda Holdıng «Agrarlyq nesıe korporatsııasy» AQ qarjylandyrý úshin 430 mln ıýan tartty. Bul Qazaqstannyń agrarlyq salasyn turaqty túrde uzaqmerzimdi qarjylandyrýdy qamtamasyz etýdegi mańyzdy qadam boldy. Qazirgi ýaqytta «Ónerkásipti damytý qory» AQ úshin 1 mlrd ıýannan astam somaǵa qosymsha nesıe tartý múmkindigi pysyqtalýda. Sondaı-aq 5 mlrd ıýanǵa deıingi kólemdegi oblıgatsııalardy ornalastyrý arqyly Qytaıdyń qaryz naryǵyna shyǵý perspektıvasy qarastyrylýda. QR Úkimetiniń turaqty jáne «jasyl» qarjylandyrý jobalaryn qosa alǵanda, jańa quraldardy birlesip júzege asyrýǵa ashyqtyǵy, sondaı-aq ónerkásipti, ınfraqurylymdy jáne eksporttyq áleýetti qoldaý tetikterin damytý ázirligi atap ótildi.
Lıý Tszıýn ICBC qarjy júıesin qoldaýǵa jáne ınnovatsııalardy damytýǵa baǵyttalǵan yntymaqtastyqty keńeıtýge umtylatynyn atap ótti. Onyń aıtýynsha, Qazaqstan men Qytaıdyń ekijaqty qarym-qatynastardy, onyń ishinde eki eldiń bıznes-qoǵamdastyqtary arasyndaǵy belsendi ózara is-qımyly arqyly nyǵaıtýǵa tolyq múmkindigi bar. Kezdesý qorytyndysy boıynsha taraptar birlesken jobalardy júzege asyrýdaǵy yntymaqtastyqty odan ári nyǵaıtýǵa nıetti ekenin jetkizdi.
Osyǵan deıin memleket menshigine qaıtarylǵan 12,2 mln gektar jerdiń jartysy ıgerýge berilgeni málim boldy.