ICAO Qazaqstandy avıatsııalyq qaýipsizdiktegi nátıjesi úshin marapattady
«Búgin Monreal qalasynda (Kanada) Qazaqstan Halyqaralyq azamattyq avıatsııa uıymynyń (ICAO) mereıtoılyq assambleıasynda 190-nan astam eldiń arasynda alǵash ret ICAO Keńesi prezıdenti atynan avıatsııalyq qaýipsizdik jónindegi sertıfıkatty tapsyrýǵa usynyldy. Bul Sertıfıkat ICAO-nyń »No Country Left Behind« (birde-bir el nazardan tys qalmaıdy) jahandyq bastamasyn qoldaý maqsatynda taǵaıyndaldy. Mundaı marapat úshin elderdi irikteý krıterııleri ICAO-nyń arnaıy komıssııasy aıqyndaıtyn baǵalaýdyń avıatsııalyq qaýipsizdikti qamtamasyz etýdi damytý salasyndaǵy memleket qyzmetiniń sońǵy jyldardaǵy nátıjelerine negizdelgen», delingen habarlamada.
Avıatsııalyq qaýipsizdikti qamtamasyz etýdi uıymdastyrýda qol jetkizilgen jetistikter men aıtarlyqtaı ilgerileýshilikti eskere otyryp, Qazaqstan Halyqaralyq azamattyq avıatsııa uıymynyń (ICAO) joǵary marapatymen baǵalandy. Osyndaı marapatty alý úshin sońǵy jyldary QR IIDM Azamattyq avıatsııa komıteti avıatsııalyq qaýipsizdikti damytý salasynda júrgizip kele jatqan úlken jumys negiz bolǵanyn atap ótken jón.
Atap aıtatyn bolsaq: - 2017 jyldyń qarasha aıynda ótken ICAO aýdıtiniń joǵary nátıjeleri. Aýdıt nátıjeleri boıynsha Qazaqstan Respýblıkasynyń deńgeıi 83% qurady. 2009 jylǵy aýdıtpen salystyrǵanda progress 21% quraǵan - bul avıatsııalyq qaýipsizdiktiń álemdik ortasha kórsetkishten 11% joǵary (72%);
- zańnamany jaqsartý jáne avıatsııalyq qaýipsizdik salasynda ICAO standarttary men usynylatyn praktıkasyn ýaqtyly engizý. «Avıatsııalyq qaýipsizdiktiń ulttyq baǵdarlamasy» Úkimet qaýlysymen ázirlendi jáne bekitildi, onda avıatsııalyq qaýipsizdik salasyndaǵy ICAO-nyń barlyq sońǵy standarttary engizilgen. 2018-2019 kezeńinde QR Úkimetiniń 3 qaýlysy jáne avıatsııalyq qaýipsizdik boıynsha mınıstrdiń 8 buıryǵy qaıta óńdeldi jáne ózgertildi;
- shet memlekettermen tıimdi ózara is-qımyl jáne yntymaqtastyq. ICAO «No Country Left Behind» (birde-bir el nazardan tys qalmaıdy) bastamasy sheńberinde azamattyq avıatsııa komıteti kórshi elderdiń avıatsııalyq bılikterimen tyǵyz yntymaqtastyq qarym-qatynas jasaýda.
2017-2019 jyldar kezeńinde Grýzııa jáne Ózbekstan ókilderimen avıatsııalyq qaýipsizdik salasynda tájirıbe almasý boıynsha is-sharalar sátti ótkizildi, Tájikstan ókilderine ICAO aýdıtine daıyndyq boıynsha konsýltatsııalyq kómek kórsetildi. Turaqty negizde Ortalyq Azııa jáne Kavkaz elderiniń ókilderi Azamattyq avıatsııa komıtetiniń bastamasymen Almaty qalasynda ornalasqan avıatsııalyq qaýipsizdik boıynsha ICAO-nyń oqý ortalyǵynda bilim alý jáne biliktilikterin arttyrý.
- ICAO aımaqtyq bıýrosy aıasynda avıatsııalyq qaýipsizdik boıynsha ótkiziletin halyqaralyq konferentsııalar men semınarlarǵa belsendi qatysý. Bul avıatsııalyq qaýipsizdikti jetildirý úshin eldiń avıatsııalyq bılik oryndary júrgizetin qyzmettiń az ǵana bóligi.
Aıta keterligi, ICAO Assambleıasy táýelsiz organ jáne ICAO Keńesi úsh jylda keminde bir ret shaqyrylady. Assambleıaǵa ICAO-ǵa múshe barlyq memleketter (193 el) jáne birqatar halyqaralyq uıymdar qatysyp, aldaǵy jyldardaǵy azamattyq avıatsııa salasyndaǵy jahandyq saıasat anyqtaıdy. Árbir memleket Assambleıanyń qaraýyndaǵy máseleler boıynsha bir daýys berýge quqyly jáne osy sessııalardaǵy sheshimder qatysýshy elderdiń kópshilik daýysymen qabyldanady.
