IBU Qazaqstannyń bıatlon bazalaryn tekserdi
KÓKShETAÝ. QazAqparat - Halyqaralyq bıatlonshylar odaǵynyń (IBU) ókilderi Almaty men Şýchınskidegi bıatlon bazalaryna tıisti kategorııalardy taǵaıyndaý úshin Qazaqstanǵa sapar shekti, dep habarlaıdy QazAqparat.
QR Ulttyq olımpıadalyq komıtetinen málim etkendeı, 18 qyrkúıek kúni Qazaqstan bıatlonshylar odaǵynyń (QBO) vıtse-prezıdenti Elena Hrýstaleva men QBO bas hatshysy Manas Úsenov IBU ókilderin «Alataý» shańǵy-bıatlon keshenine alyp bardy.
«Alataý» bazasy «A» kategorııaǵa saı ekeni anyqtaldy. Tek qujattar men stadıondaǵy bapkerler dálizin áli de bolsa retteý kerek. Halyqaralyq odaq ókilderi barlyq atqarylmaǵan mindetterdi 2018 jyldyń 14 qazanyna deıin aıaqtaýdy tapsyrdy. Sol kúni IBU tehnıkalyq komıtetiniń kategorııalardy taǵaıyndaý boıynsha otyrysy ótedi.
Al 19 qyrkúıekte IBU ókilderi Astanaǵa kelip, keıin Şýchınskidegi shańǵy-bıatlon keshenine at basyn tiredi. Olar Şýchınskidegi bıatlon bazasynyń álemde teńdessiz ekenin atap ótti. Keshende sportshylarǵa arnalǵan barlyq ınfraqurylym qamtylǵan: basseın, tolyǵymen jabdyqtalǵan jattyǵý zaly, boksqa arnalǵan sharshy alań jáne kem degende 7 dáriger jumys isteıtin medıtsınalyq ortalyq bar.
Alaıda, barlyq jaǵdaıdyń jasalǵanyna qaramastan, keshen tek «V» kategorııasyn alýy múmkin. Sebebi, keshende baspasóz ókilderine arnalǵan tonnel joq. Alaıda, bul 2020 jyly bıatlonnan Jazǵy álem chempıonatyn ótkizýge esh áserin tıgizbeıdi.
Qazaqstannyń bıatlon bazalaryn lıtsenzııalaý nátıjeleri 14 qazanda IBU-diń tehnıkalyq komıtetiniń otyrysynda belgili bolady.
Aıta keteıik, bizdiń el 2020-2021 jyldarǵy ıÝnıorlar arasyndaǵy álem chempıonatyn jáne 2020-2021 jyldarǵy Jazǵy álem chempıonatyn ótkizýge úmitti.
