IBSA Judo World Championships Astana: úzdik paradzıýdoshylar elordada beldesedi

ASTANA. KAZINFORM – 13-15 mamyr kúnderi Astanadaǵy Jaqsylyq Úshkempirov atyndaǵy Jekpe-jek saraıynda alǵash ret paradzıýdodan álem chempıonaty ótedi, dep habarlaıdy elorda ákimdiginiń resmı saıty.

Tórt jyl saıyn ótetin basty dodada 40 elden 350-den astam sportshy júldege talasady. Bıylǵy jahandyq básekege 15-ten astam paralımpıada chempıony men álemdik juldyzdar arnaıy qatysady.

Qazaqstan quramasy tolyqtaı myqty sportshylaryna senim artady. Elimizdiń namysyn Astana qalasynyń sportshylary – Aqmaral Naýatbek, Erǵalı Shameı, Asylan Nurdaýletov jáne Baýyrjan Arystanbekov qorǵaıdy. 

Paradzıýdodan álem chempıonaty 13-15 mamyr aralyǵynda ótedi. Kún saıyn saǵat 10:00-13:00 aralyǵynda irikteý beldesýleri, al 15:30-17:00 aralyǵynda fınaldyq beldesýler bolady.

Baıraqty básekeniń ashylý saltanaty 13 mamyr kúni saǵat 15:00-de, Qabanbaı batyr dańǵyly, 43 mekenjaıynda ornalasqan Jekpe-jek saraıynda ótedi. Kórermender úshin kirý tegin. 

Buǵan deıin Ábıba Ábýjaqynovanyń Grand Slam týrnırinde jartylaı fınalǵa shyqqanyn jazǵan edik.