Ibrahım Raısı tikushaq apatynan qaza tapty
ASTANA. KAZINFORM – 19 mamyr, jeksenbi kúni Shyǵys Ázerbaıjannyń Varzakan aımaǵyndaǵy Tebrız qalasyna ushyp bara jatyp apatqa ushyraǵan Iran Islam Respýblıkasynyń segizinshi prezıdenti Aıatolla Seıed Ibrahım Raısı qasyndaǵy resmı tulǵalarmen birge qaıtys boldy, dep habarlaıdy Irannyń Irna agenttigi.
Tikushaq qulaǵan aımaqtyń jergilikti aqparat kózderi prezıdent pen onyń serikteriniń qaza tapqanyn rastady.
Tikushaq bortynda Joǵarǵy Kóshbasshynyń ókili jáne Tebrız juma namazynyń ımamy, Syrtqy ister mınıstri Hoseın Amır Abdollahııan, Shyǵys Ázerbaıjan gýbernatory Malek Rahmatı, Prezıdenttik qaýipsizdik bólimshesiniń qolbasshysy general Seıed Mahdı Mýsavı jáne tikushaqtyń basqa da ekıpaj músheleri boldy.
Osyǵan baılanysty Islam respýblıkasynyń úkimeti jaqyn arada tıisti málimdeme jasaıdy.
