IBRAHIM ATA KÚMBEZІ
sp;Ibrahım Ata kúmbezi - ortaǵasyrlyq sáýlet óneri eskertkishi. Ońtústik Qazaqstan oblysyndaǵy Saıramnyń soltústik - batys shetindegi bıik tóbede, Aqsý aýylyna baratyn joldyń boıynda ornalasqan. Kúmbez shamamen HVІ-HVІІ ǵasyrlarǵa deıin, Qoja Ahmet Iasaýıdiń ákesi Ibrahım Atanyń qabiri ústine salynǵan.
Ibrahım Ata kúmbezi - ortaǵasyrlyq sáýlet ónerindegi kúmbezdi mazarlardyń kóneden saqtalyp qalǵan eskertkishteriniń biri bolyp tabylady. Kúıdirilgen kirpishten qalanǵan. Іshinara sylaq júrgizilip, áktelgen, áldenshe ret qaıta salynyp, jóndeý jumystary júrgizilgen.
Bastapqy kúmbezi buzylǵan, onyń ornyna HH ǵasyrdyń basynda tabaq temirden tórt jaǵyna taıqy shatyr ornatylyp, ortasyna shoshaq kúmbez salynǵan. Bir kameraly qurylys, jalpy jobasy sharshy kelgen. Ólshemi 7,2 h 7,2 metr. Soltústik - batys jáne ońtústik - batys qasbetteri sál shyǵyńqy, taıaz qýystary bar biryńǵaı portaldarmen bezendirilgen. Ońtústik - batys portaldyń qýysyna kireberis, al pılondarynyń qanatyna - tik buryshty qýystar jasalǵan. Іshki qabyrǵalaryna sylaq júrgizilgen, edenine kirpish tóselip, tsement qosylǵan laımen sylanǵan. Іshinde qabir qaldyǵy saqtalǵan.
Orta ǵasyrlarda ıslam dinin nasıhattaý ortalyqtarynyń birine aınalǵan kóne Saıramda kóptegen dinı ǵulamalar, ustazdar paıda bolǵan edi. Solardyń biri - ataqty Qoja Ahmet Iasaýıdiń ákesi Ibrahım Ata myńdaǵan múrıtterge ustazdyq qylǵan.
Ol jasaǵan HІ ǵasyr ıslam dininiń qulashyn keń jaıyp, halyqtyń júregine jol taýyp turǵan bir dáýir edi. IbraHım Atanyń dıqanshylyq kásibi de boldy. Sonymen qatar el arasynda ol kisiniń áýlıelik, kóripkeldilik keremetteri týraly ańyzdar taralǵan.
Qasıetti babamyzdyń shyǵý, taralý tegi týraly shejire jazbalary Saıram murajaıynda saqtaýly.
Derek kózi:
Qazaqtan ulttyq entsıklopedııasy 4 tom.
