Ibragımovıch gol salmasa eken...- Qazaqstan fýtbol quramasynyń bapkeri M. Beranek
ASTANA. 10 qyrkúıek. QazAqparat - Búgin fýtboldan Qazaqstan quramasy Astanada Shvetsııamen kezdesedi. Oıyn aldynda qos qurama bapkerleri baspasóz máslıhatyn ótkizdi, dep habarlaıdy alaman.kz.
Mıroslav Beranek, Qazaqstan quramasynyń bapkeri: «Oıynǵa barlyǵy daıyn. Tanat Nóserbaev pen Samat Otarbaevtyń jaraqaty bar. Olar oıynǵa shyqpaıdy. Shvetsııa quramasy qashanda oıynda basymdylyqqa ıe bolýǵa tyrysady. Jáne bul eldiń quramynda álemge áıgili oıynshylardyń biri Zlatan Ibragımovıch bar. Osy fýtbolshy bizdiń qaqpaǵa gol salmaǵanyn qalaımyn».
Erık Hamren, Shvetsııa quramasynyń bapkeri: «Biz Qazaqstanǵa qarsy qalaı oınaý kerektigin bilemiz. Óz josparymyz bar. Maqsat - tek jeńis. Degenmen, qarsylasymyzdy qurmetteımiz».
Esterińizge sala keteıik, Qazaqstan men Shvetsııa alǵash ret ÁCh-2014 dodasy aıasynda kezdesip, Malmede ótken oıynda shvedter 2:0 esebimen utqan. Al búgingi match Astana ýaqyty boıynsha 22:00-de bastalady. Tikeleı efır - «Habar» arnasynda.
Atap óteıik, Shvedterdiń basty juldyzy Zlatan Ibragımovıch oıynǵa alǵashqy mınýttan shyǵady.
