IBO Gennadıı Golovkındi álem chempıony reıtıngine qaıta qosty

ASTANA. QazAqparat – Halyqaralyq boks uıymy (IBO) jańartylǵan reıtıngini jarııalady. Onda qazaqstandyq Gennadıı Golovkın áli de orta salmaqta álem chempıony qatarynda tur. QazAqparat bul týraly Sports.kz-ke silteme jasap habarlaıdy.

«Golovkın IBO-nyń eń beldi chempıondarynyń biri. Tipti 40 jasqa kelgen qazirgi kezde de, 42-2-1 rekordymen jáne kóptegen tarıhı boks keshterine qatysqannan keıin, ol orta salmaqtaǵy álem chempıony beldigine abyroımen ıe bolyp otyr», - delingen IBO habarlamasynda.

Eske salaıyq, Gennadıı Golovkın IBF jáne WBA Super nusqalary boıynsha orta salmaqtaǵy álem chempıony tıtýlynan jáne mindetti jekpe-jekterdi ótkizýden bas tartqan bolatyn.