IBM-niń sýperkompıýteri nemis dárigerlerine sırek aýrýlardy anyqtaýǵa kómektesedi
ASTANA. QazAqparat - IBM kompanııasy nemis dárigerlerine sırek aýrýlardy dıagnostıkalaý úshin Watson jasandy ıntellektin ázirleıdi. Birlesken zertteýler 2016 jyldyń sońynda bastalady, dep habarlaıdy Bı-Bı-Sı agenttigi.
Jańa júıe Marbýrg qalasyndaǵy ýnıversıtettik klınıkanyń anyqtalmaǵan jáne sırek kezdesetin syrqattar boıynsha medıtsınalyq ortalyǵynda ornalasady. Klınıka 2013 jyly ashylǵaly beri munda 6 myńnan astam syrqat óz aýrýynyń naqty dıagnozyn kútip júr. «Bul alańdatarlyq kórsetkish. Bizge jańa oılar jáne jańa tehnologııalar kerek», - deıdi professor doktor ıÝrgen Shefer. Syrqattardyń deni 10-30 dárigerge qaralǵanymen syrqatty naqty dıagnostıkalaý múmkin bolmaǵane.
«Patsıentterimizdiń myńdaǵan medıtsınalyq qujattary bar. Biz syrqattardyń kóptigi ǵana emes olardyń barlyq qujattaryn zerdeleýdiń ózine biraz ýaqyt ketedi. Bizdiń jumysymyz shóp arasynan ıne izdegenmen teń, óıtkeni shaǵyn ǵana málimet naqty dıagnozdy tabýǵa septigin tıgizer edi», - deıdi Shefer.
Qazir syrqattardyń osynshama kóp qujattaryn Watson jasandy ıntellekti «oqıtyn» bolady.
