IBF Janqosh Turarovty úzdik 15 boksshynyń qataryna engizdi
ASTANA. QazAqparat - 26 jastaǵy boksshy Janqosh Turarov Halyqaralyq boks federatsııasynyń (IBF) nusqasy boıynsha ortasha aýyr salmaqtaǵy (147 fýntqa deıingi - 66,7 keli) úzdik boksshylardyń TOP-15-ine endi.
Qazaqstandyq sportshy reıtıngtiń 12-inshi ornyna ornalasty, dep habarlaıdy QazAqparat.
VKontakte jelisinde «Profı boks Qazaqstan» tobynyń jazýynsha, Janqosh Dúnıejúzilik boks qaýymdastyǵynyń reıtıngisinde (WBA) 11-inshi orynda tur.
Eske salaıyq, jýyrda ǵana shańyraq kótergen kásipqoı boksshy Janqosh Turarov qarasha aıynyń sońynda QR Mádenıet jáne sport mınıstri Arystanbek Muhamedıulynyń qabyldaýynda bolyp, elimizde jeke boks keshin ótkizgisi keletinin aıtty. Ol 2017 jyldyń qańtar aıynda AQSh-qa attanyp, jattyǵýlaryn bastamaq.
Aıta keteıik, Janqosh osyǵan deıin 20 jekpe-jek ótkizip, barlyǵynda jeńiske jetti. Onyń 14-in ýaqytynan buryn aıaqtady.
