IBF tujyrymynyń jańa chempıony Golovkındi jekpe-jekke shaqyrdy
ASTANA. QazAqparat - Avstralııalyq Sem Solıman Felıks Shtýrmdy jeńip, IBF tujyrymy boıynsha chempıon atanysymen, kelesi kezdesýin Gennadıımen ótkizgisi keletinin jarııalady, dep habarlady sports.kz.
Ol jekpe-jek aıaqtalysymen «GGG, men saǵan bara jatyrmyn» degen.
«Maǵan qazir dostarym ne aıtatynyn jaqsy bilem. Olar: Semmı, raıyńnan qaıt, sen tıtýldy aldyń, ataqtylarmen aıqasyp táýekelge barma», deıtin bolar. Shynymdy aıtsam, men úzdiktermen synǵa túsip, ózimdi tekserip kórgim keledi. Shtýrmmen bolǵan jekpe-jegimdi AQSh-ta kórsetkeni úshin qýanyshtymyn. Golovkın ony kórgeni sózsiz. Ol endi kimmen kezdesetinin jaqsy túsingen bolar», - dedi avstralııalyq boksshy.
