IBF pen WBO arasynda qaıshylyq: Álimhanulynyń chempıondyq mártebesi nege bos qaldy
ASTANA. KAZINFORM – Halyqaralyq boks federatsııasy (IBF) barlyq salmaq dárejeleri boıynsha kásipqoı boksshylardyń jańartylǵan reıtıngin jarııalady.
Buǵan deıin orta salmaqta IBF nusqasy boıynsha álem chempıony atanǵan qazaqstandyq Jánibek Álimhanuly atalǵan uıymnyń sheshimimen chempıondyq belbeýinen aıyryldy.
Bul sheshim Qazaqstannyń kásipqoı boks federatsııasy (QKBF) halyqaralyq talaptarǵa sáıkes júrgizgen tekserý qorytyndysyna baılanysty qabyldanǵan.
Sonymen qatar Dúnıejúzilik boks uıymy (WBO) osy tekserý nátıjelerin eskere otyryp, Jánibek Álimhanulyna tıesili álem chempıony ataǵyn óz nusqasy boıynsha saqtap qaldy.
Alaıda uıym boksshyǵa 2026 jyldyń jeltoqsanyna deıin jekpe-jek ótkizýge tyıym saldy.
Jánibek Álimhanuly dıskvalıfıkatsııa merzimin ótep jatqanyna qaramastan, WBO nusqasy boıynsha álem chempıony bolyp qala beredi. Alaıda IBF bul máselede teris pikirde.
Federatsııanyń jańartylǵan reıtınginde WBO tujyrymy boıynsha álem chempıony ataǵy «bos» dep kórsetilgen. Al WBO uıymynyń resmı saıtynda Jánibek Álimhanuly áli de álem chempıony retinde tirkelgen.
Buǵan deıin Halyqaralyq boks federatsııasy (IBF) qazaqstandyq boksshy Jánibek Álimhanulynyń orta salmaqtaǵy álem chempıony tıtýlyn alyp tastaý týraly qatań sheshim qabyldaǵan edi.
