IBF Golovkınniń álem chempıony tıtýlyn qorǵaıtyn kúnin belgiledi

NUR-SULTAN. QazAqparat — IBF nusqasy boıynsha orta salmaqtaǵy álem chempıony Gennadıı Golovkınniń (41-1-1, 36 KO) óz tıtýlyn qorǵaıtyn kúni belgili boldy, dep habarlaıdy QazAqparat Sports.kz saıtyna silteme jasap.

Osylaısha, Halyqaralyq boks federatsııasy reıtınginiń jańartylǵan nusqasynda atalǵan mindettemelerdi oryndaý kúni retinde 2021 jyldyń 18 qyrkúıegi belgilengen.

Eske sala ketsek, GGG atalǵan beldigin 2020 jyldyń 18 jeltoqsanynda, Gollıvýdtyń Florıda shtatynda qorǵaǵan edi. Onda ol tehnıkalyq nokaýtpen Polsha boksshysy Kamıl Sheremetany (21-1,5 KO) jeńdi. Bul qazaqstandyq boksshy úshin 2019 jyldyń qazan aıynda Sergeı Derevıanchenkomen (13-3,10 KO) judyryqtasyp, IBF tıtýlyn qaıtaryp alǵan kezden bergi birinshi jekpe-jek boldy.

Atap óteıik, qazirgi kezde IBF reıtınginiń orta salmaq dárejesindegi alǵashqy eki orny bos, al eń joǵary úshinshi oryn nemis boksshysy Patrık Voıtsıtskıdiń (14-0-1,5 KO) enshisinde.