IBA Sáken Bıbosynovtyń álem chempıonatyndaǵy jeńilisine resmı túsinik berdi

ASTANA. QazAqparat – Halyqaralyq boks federatsııasy (IBA) Tashkenttegi álem chempıonatynda bolǵan Qazaqstan ulttyq quramasynyń múshesi Sáken Bıbosynov pen úndistandyq Dıpak Kýmar arasyndaǵy jekpe-jek sheshimine jaýap berdi, dep habarlaıdy QazAqparat tilshisi.

Aıta ketsek, S.Bıbosynov (51 keli) D.Kýmarǵa upaı sany boıynsha ese jibergen edi. Keıin Qazaqstan boks federatsııasy Halyqaralyq boks federatsııasynyń prezıdenti Ýmar Kremlevtiń atyna tóreshiler sheshimine qatysty resmı shaǵym joldady.

«Úndistandyq Dıpak 51 keli salmaqta álemniń birinshi chempıony qazaqstandyq Sáken Bıbosynovpen jekpe-jekte eń úlken apset jasap, jeńiske jetti.

Úshinshi raýnd sheshýshi boldy. Munda Bıbosynov qabaǵynyń jarylýyna baılanysty ózin jaqsy jaǵynan kórsete almady.

Nátıjesinde tóreshiler jeńisti 3:2 esebimen Dıpaktyń paıdasyna jazdy. Budan keıin baqylaýshy men baǵalaý jónindegi sarapshy jekpe-jekti qaıta qarap shyǵyp, tóreshilerdiń ártúrli sheshimimen úndistandyq boksshy – 5:2 (qaıta qaralǵannan keıin 2:0) esebimen kelesi kezeńge ótkenimen kelisti.

Dıpaktyń eń joǵary jetistigi – 2019 jylǵy Azııa chempıonatyndaǵy kúmis medal. Biraq ol osy jarysta eń jaqsy jekpe-jegin ótkizdi. Onyń endigi kelesi qarsylasy Tájikstannan kelgen Mehrob Hamıdovty senimdi jáne úlken artyqshylyqpen jeńgen – qytaılyq boksshy Tszıamao Chjan», - dep jazady IBA.