17:01, 21 Qazan 2022 | GMT +6
IBA reıtıngi: Qazaqstan boksshylary birinshi orynnan kórinýi múmkin
ASTANA. QazAqparat – Qazaqstan boks federatsııasynyń vıtse-prezıdenti Azız Qojambetov IBA-nyń reıtıngindegi Qazaqstan boksshylarynyń dárejesine qatysty pikir bildirdi, dep habarlaıdy QazAqparat tilshisi.
«Búgin IBA-nyń reıtıngi shyqty. Qazaqstan Iordanııadaǵy Azııa birinshiligine deıin álemde 3- orynda tur. Osy birinshilikten keıin 1, 2-oryndardan kórinýimiz ábden múmkin. Boksshylarymyzǵa sáttilik tileı júrińizder!», - dep jazdy A.Qojambetov áleýmettik jelidegi paraqshasynda.
Atalǵan reıtıngide AQSh 1- orynda tursa, Brazılııa 2- orynǵa jaıǵasqan.
Aıta keteıik, bokstan Azııa chempıonaty Iordanııada bıyl 30 qazan men 13 qarasha aralyǵynda ótedi.
