IBA aıasyndaǵy bokstan álem chempıonatynda búgin el quramasynan kimder shyǵady

ASTANA. KAZINFORM — Halyqaralyq boks assotsıatsııasy (IBA) aıasynda Birikken Arab Ámirliginiń Dýbaı qalasynda ótip jatqan álem chempıonatynda 6 jeltoqsanda el quramasynan tórt boksshy synǵa túsedi.

Kúndizgi sessııanyń bastalý ýaqyty Qazaqstan ýaqytymen 18:00–ge belgilengen. El quramasynan Sabyrjan Akkalykov (75 keli) shamamen 20:45–te Seıshel araldarynan kelgen Djoshýa Aaron Kýzınmen qolǵap túıistiredi.

Al keşki sessııa Qazaqstan ýaqytymen 22:00–de bastalady. Bul sessııada elimizdiń atynan úsh bylǵary qolǵap sheberi sharshy alańǵa shyǵady. Aldymen 22:30–da Danııal Sábıt (51 keli) kenııalyq Kelvın Maınamen kezdesse, dál sol ýaqytta basqa rıngte Sáken Bıbosynov (54 keli) brazılııalyq Katego Keorapetsemen sheberlik baıqasady.

Bul kúni el quramasynan sońǵy jekpe-jekti Serik Temirjanov (60 keli) mońǵolııalyq Erdenebatyn Tsendbaatarǵa qarsy ótkizedi. Olardyń jekpe-jegi shamamen 00:15–ge belgilengen.

Aıta ketsek, qazirge deıin otandastarymyz arasynan Sanatáli Tóltaev (67 keli), Erasyl Jaqpekov (80 keli), Dáýlet Tólemisov (86 keli), Nýrmagamed ıÝsýpov (92 keli) jarysty jalǵastyrýǵa múmkindik aldy.