IATA Bek Air áýe kompanııasynan tańbalaý kodyn qaıtaryp aldy
«Sizderdiń kompanııalaryńyz tańbalaý kodyn munan ary ıelik ete berý úshin 762 qararǵa sáıkes IATA bekitken biliktilik talaptaryna saı kelmeıtindigin habarlaıtyndyǵymyzǵa ókinemiz», - delingen áýe kompanııasynyń resmı saıtyn jarııa etilgen IATA hatynda.
Sonymen qatar hatta 60 kúnniń ishinde qajetti tekserý sharalary júrgizilgennen keıin áýe kompanııasy úshin kod qoljetimdi bolýy múmkin ekendigi aıtylǵan.
IATA áýe kompanııasy kody –Halyqaralyq áýe kóligi qaýymdastyǵynyń áýe kompanııasyna eki nemese úsh mándi jeke sáıkestendirgishi. Áýe kompanııasynyń kodyn áýe kompanııalary, bılet satatyn agenttikter, avıatsııalyq jolaýshylar tasymaly salasyndaǵy kommertsııalyq qyzmetterge baılanysty aqparatty berý úshin ózge de kásiporyndar qoldandy.
IATA kodtar tizimin jylyna 2 ret jarııalaıdy jáne onymen qaýymdastyqtyń resmı saıtynda tanysýǵa bolady.
Eske sala ketsek, 2019 jyldyń 27 jeltoqsanynda Almatydan Nur-Sultan qalasyna ushyp shyqqan Bekeır kompanııasynyń ushaǵy radardan joǵalyp ketti.
Keıin 95 jolaýshysy jáne 5 ekıpaj múshesi bar ushaqtyń apatqa ushyraǵany málim boldy.
Ushaq jerge qulaǵan soń syrǵanap baryp áýejaı aýmaǵyna jaqyn tustaǵy aýyl shetindegi eki qabatty úıge soǵylǵan. Saldarynan 12 adam qaza tapty. Osydan keıin Bek Air áýe kompanııasyna tıesili toǵyz Fokker-100 ushaǵynyń qyzmeti toqtatyldy.