IAAF jyldyń eń úzdik atletterin marapattady
ASTANA. QazAqparat - Búgin Monakoda 2017 jyldyń úzdik jeńil atletteriniń esimderi belgili boldy, dep habarlaıdy QazAqparat QR Jeńil atletıka federatsııasynyń resmı saıtyna silteme jasap.
Halyqaralyq jeńil atletıka federatsııalar qaýymdastyǵy (IAAF) uıymdastyrǵan saltanatty sharaǵa Qazaqstannan Olga Rypakova qurmetti qonaq retinde qatysty. Jalpy bul keshte álemniń úzdik 80 jeńil atleti boı kórsetti.
Erler arasynda 2017 jylǵy úzdik atlet bolyp, Qatar sportshysy Mýtaz Barshım tanyldy. Buǵan deıin bıiktikke sekirýshilerdiń birde-bireýi jyldyń úzdik jeńil atleti bolyp kórmegen eken. Tarıhta alǵash ret Mýtaz Barshım osyndaı mártebeli ataqqa ıe bolyp otyr. Sondaı-aq úmitkerler qatarynda Vaıde van Nıkerk (OAR) men Mo Fara (Ulybrıtanııa) bolǵan edi.
Áıelderden belgııalyq jetisaıysshy Nafıssatý Tıam jeńiske jetti. Sońǵy ret kópsaıysshylardyń arasynda 1994 jyly amerıkalyq Djekı-Djoıner Kırsı jyl sportshysy atanǵan. Tıamnan bólek, Almaz Aıana (Epıofııa) men Ekaterını Stefanıdı (Grekııa) úzdik úshtiktiń qataryna endi.
«Jańadan shyqqan juldyz» nomınatsııasy 2017 jyly álem chempıony atanǵan norvegııalyq Karsten Varholm (400 m k/a) men Venesýela atleti ıÝlımar Rohasqa (úsh qarǵyp sekirý) buıyrdy.
IAAF prezıdenti Sebastıan Koeniń arnaıy júldesine ataqty ıamaıkalyq sprınter Ýseın Bolt ıe boldy. Ańyz sportshy bıylǵy jyly sporttyq karerasyn aıaqtaǵan edi.
Namıbııalyq maman Anna Bata jyldyń úzdik jattyqtyrýshysy atandy. Ol 50 jyldan astam jeńil atletıkada tabysty eńbek etip keledi. Shákirtteriniń arasynda eń tanymaly - Olımpıada jáne álem chempıony, 400 metrge júgirýden álem rekordsmeni Vaıde van Nıkerk.
Cherrı Aleksandrǵa (Ulybrıtanııa) «Jeńil atletıka jyly áıeli» degen arnaıy júlde tabystaldy. Aleksandr 30 jyldan astam «sport padıshasynyń» damýyna orasan zor úlesin qosqan. Bıylǵy jyly Londonda ótken álem chemponatynyń uıymdastyrylýyna atsalysqan.
Bul keshte sportshylar men bapkerlerden bólek, fotograf Pol Sanvelde qur qalmady. Ol jyldyń úzdik fotografy atandy. Sanveldiń Londondaǵy álem chempıonatynda 100 metrge kedergiler arqyly júgirýshilerdiń jartylaı fınalynda aýstralııalyq Sallı Pırsondy túsirgen fotosy teńdesiz dep tanylǵan eken.
Qazaqstannyń qazirgi tańdaǵy eń ataqty jeńil atleti Olga Rypakova jubaıy Denıs Rypakovpen birge qonaq retinde qatysyp qaıtty.
