IAAF mamandary Astanada marafon ótetin joldy tekserdi
ASTANA. QazAqparat - Halyqaralyq jeńil atletıka federatsııalary qaýymdastyǵynyń (IAAF) tanymal mamandary, ıspanııalyq Mıgel Anhel men Ramon Horhe 27 tamyzda Astanada Shanhaı yntymaqtastyq uıymynyń (ShYU) marafony ótetin joldy tekserdi, dep habarlaıdy QazAqparat tilshisi.
QR Jeńil atletıka federatsııasynyń málimetinshe, Mıgel Anhel men Ramon Horke buǵan deıin maýsym aıynda kelip ketken bolatyn. Osy joly marafonǵa daıyndyqtyń fınaldyq kezeńin tekserip, 42 shaqyrym 195 metrdi ólshep kórdi. Ol marafonshylar júgiretin joldy velosıpedpen júrip ótti. Ispanııadan kelgen mamandarǵa Qazaqstan jeńil atletıka federatsııasy sporttyq dırektorynyń assısenti Artem Jıgalov kómektesti.
Endi Astanadaǵy tas jol IAAF-tyń lıtsenzıtsııasyn alatyn bolady. ıAǵnı aldaǵy ýaqytta elordamyzda marafonnan jáne jartylaı marafonnan álem chempıonatyn ótkizýge múmkindik bar. Sondaı-aq 27 tamyzda ótetin ShYU marafonyndaǵy ár túrli nátıjeler men rekordtardy Halyqaralyq jeńil atletıka federatsııalary qaýymdastyǵy esepke alady.
