IAAF Klıshınadan ózge reseılik jeńil atletterdiń Olımpıadaǵa qatysý týraly ótinimderin qabyldamady
ASTANA. QazAqparat - Jeńil atletıka federatsııasynyń halyqaralyq qaýymdastyǵy (IAAF) uzyndyqqa sekirýshi Darıa Klıshınadan ózge reseılik sportshylarǵa halyqaralyq starttarǵa, sonyń ishinde Rıo-de-Janeırodaǵy Olımpıada oıyndaryna qatysýǵa ruqsat bermedi, dep habarlaıdy TASS.
Reseı olımpıada komıtetiniń quqyqtyq basqarma jetekshisi Aleksandra Brıllıantova Klıshınadan ózge barlyq sportshynyń qabyldanbaǵanyn rastady.
Eki dúrkin olımpıada chempıony Elena Isınbaevanyń bapkeri Evgenıı Trofımov IAAF halyqaralyq jarystarǵa qatysý týraly sportshy ótinishin qabyl almaǵanyn habarlady.
IAAF keńesiniń 17 maýsymdaǵy sheshimine sáıkes, halyqaralyq starttarǵa, sonyń ishinde Rıo-de-Janeırodaǵy Olımpıada oıyndaryna Reseı dopıngke qarsy júıesine jáne dopıng daýlaryna qatysy joqtyǵyn dáleldegen reseılik atletter ǵana qatysa alady.
3 shilde kúni Reseı olımpıada komıteti jáne reseılik 68 jeńil atlet Lozannadaǵy Sport isteri boıynsha sotqa (CAS) shaǵym túsirdi. Іsti qaraý 19 shildede bastalady, CAS sheshimi 21 shildege deıin jarııalanýy tıis.
