І jartyjyldyqta turǵyn úı qurylysyna 169 mlrd. teńgeden astam ınvestıtsııa salyndy
ASTANA. 6 shilde. QazAqparat - Qazaqstandy 2012 jyldyń І jartyjyldyǵyndaǵy turǵyn úı qurylysyna salynǵan ınvestıtsııa 169,1 mlrd teńgeni qurady, dep habarlaıdy QR Qurylys jáne TKShA baspasóz qyzmeti pm.kz saıtyna.
«2012 jyldyń qańtar-maýsym aılarynda qarjylandyrýdyń barlyq kózderinen 169,1 mlrd teńge turǵyn úı qurylysyna ınvestıtsııa salynǵan. Bul 2011 jyldyń osy kezimen salystyrǵanda 93,3 paıyzǵa kóp», delingen agenttik habarynda.
Jalpy kólemi 3037,1 myń sharshy metr turǵyn úı paıdalanýǵa berildi, bul 2011 jylǵy osy merzimmen salystarǵanda 114,3 paıyzǵa artyq.
Turǵyn úı qurylysyn ınvestıtsııalaýdy aýmaqtar boıynsha alsaq: Aqmola oblysynda - 4,2 mlrd teńge, Almaty oblysynda- 39,5 mlrd, Atyraý oblysynda - 15,1 mlrd, Jambyl oblysynda - 3,3 mlrd, BQO-da - 5 mlrd, Qostanaı oblysynda - 6 mlrd, Qyzylorda oblysynda - 4 mlrd, Mańǵystaý oblysynda - 9,1 mlrd, SQO-da - 1,6 mlrd jáne ShQO-da - 5 mlrd teńge.
Sondaı-aq, Almatyda turǵyn úı qurylysyna 29 mlrd teńgeden astam, Aqtóbe oblysynda - 11,2 mlrd, Qaraǵandy oblysynda - 8,2 mlrd, Astanada - 18,4 mlrd, Pavlodar oblysynda - 2,7 mlrd jáne OQO - 5,7 mlrd tenge ge ınvestıtsııa salynǵan.
Aqparatta aıtylǵandaı, ústimizdegi jyldyń qańtar-maýsym aılarynda qarjylandyrý barlyq kózderi arqyly paıdalanýǵa berilgen turǵyn úı kólemi Ońtústik Qazaqstan oblysynda 2 ese jáne Pavlodar oblysynda 2,5 esege ósken.
Budan basqa, jurtshylyqtyń qarajatyna 1541,4 myń sharshy metr jeke turǵyn úı qurylysy salynǵan, bul respýblıkadaǵy jalpy turǵyn úı qurylysynyń 50,7 paıyzyn quraıdy.
