І jartyjyldyqta kommertsııalyq jyljymaıtyn múlikti jalǵa berý 1,8 paıyzǵa qymbattady - Statıstıka
ASTANA. 1 shilde. QazAqparat - 2013 jylǵy birinshi jartyjyldyqta turmystyq qyzmet kórsetý, servıs oryndaryn jalǵa berý baǵasy 3,3, óndiristik jaılar - 2,6, saýda oryndary - 2,3 paıyzǵa ósti. Bul týraly QR Statıstıka agenttiginiń baspasóz qyzmeti taratqan aqparatta aıtylǵan.
Aǵymdaǵy jylǵy maýsymda 2012 jylǵy jeltoqsanmen salystyrǵanda baǵanyń eń joǵary ósimi fotosalondardy (12%), dárihanalardy (7,9%), ónerkásiptik bazalardy (5,3%) jalǵa berýde tirkeldi.
Jerústi ashyq jáne jabyq parkıngterdi jalǵa berý 2,7, avtomobılderdi jóndeý jáne tehnıkalyq qyzmet kórsetý stansalary - 1,1, barlar - 0,5, meıramhanalar - 0,3 paıyzǵa tómendedi.
