І jartyjyldyqta Qazaqstanda negizgi kapıtalǵa ınvestıtsııalar kólemi 7,1 paıyzǵa artty - Statıstıka agenttigi
ASTANA. 14 tamyz. QazAqparat - Respýblıkada 2013 jyldyń qańtar-shildesinde negizgi kapıtalǵa ınvestıtsııalar kólemi 2821,6 mlrd teńgeni qurady, bul ótken jyldyń sáıkes merziminen 7,1%-ǵa artyq. Bul týraly búgin Astanadaǵy baspasóz máslıhatynda QR Statıstıka agenttiginiń tóraǵasy Álıhan Smaıylov málim etti, dep jazady primeminister.kz.
Sonymen qatar, ol ónerkásiptik óndiris kólemi sáıkes merzimmen salystyrǵanda 1,9% artyp, qoldanystaǵy baǵalarda 10228,8 mlrd teńge quraǵanyn aıtty.
Osylaısha, taý-ken óńdeý ónerkásibinde jáne karer jasaýda óndiris 2,6%-ǵa, óńdeý ónerkásibinde - 1,3-ǵa, elektrmen jabdyqtaýda, gaz, bý jetkizýde jáne áýe kondıtsııalaýda - 0,8%-ǵa artqan.
Oǵan qosa, aýyl sharýashylyǵy ónimderin jalpy shyǵarý kólemi ulǵaıyp, 681,1 mlrd teńgeni qurady, bul 2012 jyldyń qańtar-shildesinen 1,8%-ǵa artyq.
Óz kezeginde kólik salasy boıynsha naqty kólem ındeksi 2013 jyldyń qańtar-shildesinde 107,2% qurady, «Baılanys» - 114,4%, «Saýda»- 112,5% deńgeıinde boldy.
