І jartyjyldyqta elordada 9 myńǵa jýyq jumys orny quryldy

ASTANA. QazAqparat - Astanada ústimizdegi jyldyń 1 shilde jaǵdaıy boıynsha 8 977 jańa jumys orny ashyldy. Sonyń ishinde: ónerkásip salasynda - 747, saýda - 2 030, kólik jáne baılanys - 603, bilim jáne densaýlyq saqtaý salasy - 1 394, qurylys jáne kommýnaldyq sharýashylyq - 1 504 jáne 2 699 - basqa da qyzmet salalary.

Sonymen qatar, bıylǵy jylǵy 6 aıdyń qorytyndysy boıynsha Astana qalasy ákimdiginiń Jumyspen qamtý ortalyǵymen 2 300 adam jumysqa ornalastyryldy.

Eske sala keteıik, Astanada elordanyń jumysqa ornalaspaǵan turǵyndaryn jumyspen qamtý maqsatynda memlekettik baǵdarlamalar qolǵa alyndy. Jumyssyz júrgen jastar úshin jumyspen qamtýdyń mobıldi pýnktteri ashylǵan, jastar praktıkasynan ótý baǵdarlamalary iske asyrylady, sonymen qatar, qaıta daıarlaý kýrstary ótkiziledi, dep habarlaıdy astana. kz.