І jartyjyldyqta 3 mln. sharshy metrden astam turǵyn úı paıdalanýǵa berildi
ASTANA. 28 shilde. QazAqparat - Qazaqstanda Turǵyn úı qurylysynyń 2011-2014 jyldarǵa arnalǵan memlekettik baǵdarlamasy iske asyrylýda.
Onyń aıasynda jyl saıyn 6 mln. sharshy metr turǵyn úıdi iske qosý josparlanyp otyr. Aǵymdaǵy jyldyń І jartyjyldyǵynda respýblıka boıynsha 3 mln. sharshy metr baspana paıdalanýǵa berildi, dep habarlady pm.kz saıty.
Bul baǵdarlama Elbasy N.Nazarbaevtyń «Nur Otan» halyqtyq-demokratııalyq partııasynyń XIII sezinde bergen tapsyrmasy boıynsha iske asyrylýda jáne buǵan deıingi memlekettik turǵyn úı qurylysy baǵdarlamalarynyń zańdy jalǵasy bolyp tabylady.
Qurylys jáne TKSh isteri jónindegi agenttiktiń aqparaty boıynsha, 2012 jyldyń qańtar-maýsym aılarynda respýblıkada jalpy aýdany 3037,1 myń sharshy metrdiń turǵyn úıleri paıdalanýǵa berildi, bul 2011 jyldyń sáıkes kezegindegi kórsetkishpen salystyrǵanda 114,3 paıyzdy quraıdy. Bul kórsetkish jyldyq jospardyń 50 paıyzy.
Aıta ketý kerek, memlekettik menshiktegi uıymdar І jartyjyldyqta 306,6 myń sharshy metr baspanany paıdalanýǵa berdi. Al jekemenshik uıymdar men turǵyndar jalpy aýdany 2555,1 sharshy metrdiń turǵyn úılerin turǵyzdy. Onyń ishinde, halyqtyń qarajatyna 1541,4 myń sharshy metr baspana salynyp otyr, bul respýblıka boıynsha iske qosylǵan baspananyń 50,7 paıyzy.
Al jalǵa beriletin baspanalarǵa toqtalar bolsaq, jarty jylda jalpy aýdany 32 myń sharshy metrdiń turǵyn úıleri iske qosyldy jáne 25,4 myń sharshy metrdiń páterleri satyp alyndy.
Sondaı-aq 2012 jyldyń 1 shildesindegi jaǵdaı boıynsha, «Qazaqstannyń Turǵyn úı qurylys jınaq banki» AQ 3552 zaemshyǵa jalpy somasy 12,4 mlrd. teńgeden astam somanyń turǵyn úı, aralyq jáne aldyn ala turǵyn úı zaemdaryn berdi, onyń ishinde Memlekettik baǵdarlamanyń aıasynda - 1302 zaemshyǵa nemese barlyq zaemshylardyń 36,6 paıyzyna jalpy somasy 4,2 mlrd. teńgeniń nesıesi berildi.
Aıta ketý kerek, buǵan qosa aǵymdaǵy jyly Úkimet Elbasynyń tapsyrmasy boıynsha «Qoljetimdi baspana-2020» baǵdarlamasyn qolǵa alyp otyr. Bul baǵdarlamanyń maqsaty ındýstrııalyq ádisterdi, onyń ishinde iri paneldi úı qurylysy ádisterin paıdalana otyryp Qazaqstandaǵy turǵyn úı qurylysynyń kólemin qazirgi 6 mln. sharshy metrden 10 mln. sharshy metrge arttyrý bolyp tabylady.
