I. Ýmahanov: Saıasatkerler ortaq mámilege kelgenshe, ázirge lańkester jyldam áreketter jasaýda
ASTANA. QazAqparat - Búginde halyqaralyq lańkestik sekildi ortaq qaterdiń aldynda dinı kóshbasshylar biryńǵaı shep quryp otyr. Búgin Astanada «Dinder terrorızmge qarsy» atty halyqaralyq konferentsııa barysynda sóz sóılegen RF Federaldyq Jınalysy Federatsııa Keńesi tóraǵasynyń orynbasary Ilıas Ýmahanov osylaı málimdedi.
«Ashyǵyn aıtatyn bolsaq, saıasatkerler ortaq mámilege kelgenshe, ázirge lańkester jyldam áreketter jasaýǵa qaýqarly. Atap aıtqanda is júzinde lańkestik ınternatsıonaldy júzege asyrýda. Sondyqtan da sońǵy kezderi antıreseılik sanktsııalar túrinde keıbir seriktesterimiz bizdiń bastamalarǵa qoldaý jasamaýy alańdatyp otyr, osy rette olar lańkestikke qarsy birlesken is-qımyl boıynsha buryndary qalyptasqan formattardy úzýde»,-dedi Ilıas Ýmahanov.
Onyń sózine qaraǵanda, búginde halyqaralyq lańkestik sekildi ortaq qaterdiń aldynda dinı kóshbasshylar kóp ýaqyttan beri jınaqtalǵan kelispeýshikterden attap ótip, lańkestikke qarsy biryńǵaı shep quryp otyr.
«Lańkestikpen kúreste parlamentarıler róli artýda. Halyqaralyq-quqyqtyq normalar, ulttyq zańnamalar atalǵan qaterge qarsy is-qımylda jáne onyń aldyn alýda tıimdi qural bolýy tıis»,-dedi ol.
I.Ýmahanovtyń paıymynsha, aqparattyq keńistikte lańkestik ıdeologııaǵa qarsy is-qımylda depýtattardyń, saıasatkerlerdiń, sarapshylyq qoǵamdastyqtyń jáne BAQ-tyń kúsh jigerin biriktirý qajet.
«Biz qaýipti nasıhat júrgizetin bir saıttardy jaýyp jatsaq, lańkester men olardyń kómekshileri dereý basqa saıttardy ashýda. Osylardyń artynda turǵandar jasaq jınaýshy ekstermısterdiń birinshi eshelonyn qurap otyr, ıaǵnı olar jastardy ıdeologııalyq turǵyda tartatyn negizgi kúshtiń aldyńǵa qatary», -deıdi ol.
