І toqsan nátıjesi boıynsha respýblıkada 58 myń avtokólik tehnıkalyq baıqaýdan ótpeı qaldy
Ótken jyldyń osy merzimdegi bul kórsetkishi 24 myń avtokólikti quraǵan, dep habarlady QR Kólik jáne kommýnıkatsııa mınıstrliginiń baspasóz qyzmeti.
Ústimizdegi jylǵy І toqsan ishinde tehnıkalyq baıqaýǵa barlyǵy 416,5 myń avtokólik usynylǵan, onyń 58 myńy (52 myńy jeńil kólik, 3 myńy júk kólikteri jáne 2,5 myńy avtobýs) birden tehnıkalyq baıqaýdan ótpeı qaldy.
Tehnıkalyq baıqaýdan kóbinde tejeýish júıesiniń (21 myńǵa jýyq avtokólik), rýldik basqarý (3,7 myń), syrtqy jaryq quraldary (18 myń), qozǵaltqysh (4 myń), qozǵalǵysh bóligi men aspa (2 myń) aqaýlary sebepti óte almaı qalady. Joǵaryda aıtylǵan derekter kólikterdiń tehnıkalyq jaramdylyǵyn saqtaý udaıy nazarda bola bermeıtindigin kórsetedi.
Qazaqstannyń avtokólik quraldary olardyń tirkelý ornyna baılanyssyz 2012 jylǵy 1 qańtardan bastap tehnıkalyq baıqaýdyń arnaıy ortalyqtarynda ǵana tehnıkalyq baıqaýdan ótýi tıis ekenin eske salamyz. Búgingi tańda mundaı 399 ortalyq bar. Olar 43 qala men 79 ákimshilik aýdandy qamtıdy.
Barlyq tehnıkalyq baıqaý ortalyqtary aqparatty avtomatty túrde óńdep otyratyn «Tehnıkalyq baıqaý» biryńǵaı aqparattyq júıege qosylǵan.
QR 2014 jylǵy sáýirde qabyldanǵan «Jol qozǵalysy týraly» Zańy boıynsha tehnıkalyq baıqaýdy ótkizý protsedýrasyn jetildirý maqsatynda mynadaı ózgerister engizildi:
- jańa avtokólikteri úshin tehnıkalyq baıqaýdy ótý merzimin 1 jylǵa uzartý, ıaǵnı 4 jylǵa deıin;
- qaǵaz júzindegi tehnıkalyq baıqaýdaý ótý týraly kýálandyratyn blankterden bas tartý;
- tehnıkalyq baıqaý barysynda kólik salyǵyn tólegendigi týraly qujatty usynýdy joıý;
- jol kólik oqıǵasyna soqtyrǵan tehnıkalyq baıqaý kezinde kóliktiń aqaýlaryn tappaǵany úshin operatorlardy jaýapkershilikke tartý;
- operatorlardyń tehnıkalyq baıqaýdy ótkizý tártibin buzǵany úshin jaýapkershilikteri kúsheıtý.
Bul Zań 2014 jylǵy 20 qazannan bastap kúshine engiziledi.
