I. Tasmaǵambetov Máskeýde TMD Qorǵanys mınıstrleri keńesiniń otyrysyna qatysty (FOTO)
Otyrys bastalar aldynda RF Qorǵanys mınıstri Sergeı Shoıgý QR Qorǵanys mınıstrine basty relıkvııa, jýyrda Astanada ashylǵan Qarýly Kúshterdiń Áskerı-tarıhı murajaıynda laıyqty oryn tabatyn Jeńis Jalaýynyń kóshirmesin berdi, dep habarlaıdy QR QM baspasóz qyzmeti.
Odan basqa, kún tártibinde TMD ÁShQQ birikken júıesin damytý men ustaý, TMD qatysýshy memleketter qarýly kúshteri ınjenerlik áskerleriniń ózara is-qımyly, áskerı bilim berý, sondaı-aq 2016 jylǵa arnalǵan yntymaqtastyq josparlaryn bekitýge qatysty máseleler qozǵaldy.
Odan basqa, Qorǵanys mınıstrleri keńesiniń jańa hatshysy bolyp general-maıor ıÝrıı Dashkın taǵaıyndaldy. Jáne TMD QMK kelesi otyrysynyń tártibi bekitildi. Sonymen qatar otyrysta 2015 jylǵa deıin TMD-nyń áskerı yntymaqtastyq tujyrymdamasyn oryndaý qorytyndysy qaraldy.
Aǵymdaǵy jyldyń 16 qazanynda Býrabaıda ótken TMD memleketteri basshylary keńesiniń otyrysynda 2020 jylǵa deıin TMD qatysýshy memleketteriniń áskerı yntymaqtastyq tujyrymdamasy bekitilgenin esterińizge sala keteıik.
Dál osy kúni QR Qorǵanys mınıstri I.N.Tasmaǵambetovtiń RF Qorǵanys mınıstri S.K.Shoıgýmen ekijaqty kezdesýi ótti. Osy kezdesýde Halyqaralyq armııa oıyndaryn ótkizý máseleleri talqylandy. Óıtkeni, kelesi jyldan bastap Qazaqstan armııa oıyndarynyń eki kezeńin qabyldaıdy. Artıllerııashylardyń saıysy jáne mergenderdiń baıqaýy.
«Saıysý rýhy olarǵa senip tapsyrylǵan tehnıka men qarý-jaraqty qoldanýdyń is júzindegi aspektilerin tereńirek meńgerýge yqpal etedi. Onyń ústine mundaı is-sharalar jeke quramnyń jaýyngerlik rýhyn arttyrady. Atalǵan bastamany qoldaı otyryp, qazaqstandyq tarap óziniń aýmaǵynda saıys bóligin uıymdastyrýǵa jáne Reseı Federatsııasynyń aýmaǵynda 19 saıysqa qatysý úshin ózderiniń ókilderin jiberýge ázir», - dedi kezdesý barysynda Imanǵalı Tasmaǵambetov.
Bıylǵy jyly áskerılerimiz keńinen tanymal «Tank bıatlony», «Avıadarts» ushý ekıpajdarynyń saıysynan basqa «Kaspıı teńizi» áskerı-teńiz korablderiniń baıqaýyna qatysqanyn aıta ketken jón. Bul oıyndar Qarýly Kúshter arasynda seriktestikti nyǵaıtýda belgili bir sát bolǵany sózsiz.
