I.Tasmaǵambetov Qytaı Halyq Respýblıkasy qorǵanys vedomstvosynyń basshysymen kezdesti (FOTO)

ASTANA. QazAqparat - Búgin Astanada Shanhaı yntymaqtastyq uıymy qorǵanys mınıstrleri keńesiniń ótkizilýi sheńberinde QR Qorǵanys mınıstri Imanǵalı Tasmaǵambetov pen Qytaı Halyq Respýblıkasy qorǵanys vedomstvosynyń basshysy general-polkovnık Chan Vantsıýanniń ekijaqty kezdesýi ótti. Bul týraly mınıstrliktiń baspasóz qyzmeti habarlady.

Qazirgi ýaqytta qazaq-qytaı yntymaqtastyqtyń jaǵdaıy joǵary deńgeıde tur. Bul Qazaqstan men Qytaı arasyndaǵy tatý kórshilik, dostyq pen yntymaqtastyq týraly shartta negizdeledi. Ekijaqty yntymaqtastyq týraly aıtqanda ár jyl saıyn áskerı jáne áskerı-tehnkalyq salalarda qazaqstandyq-qytaılyq ózara is-qımyl turaqty oń serpinge ıe ekenin atap ótýge bolady.