I.Tasmaǵambetov: Elordanyń endigi basty mindeti - qalany qazirgi damý úrdisinen jańyldyrmaı álemniń úzdik shaharlarynyń qataryna qosý
«Astana ınvest» jyl saıyn álem elderiniń san saladaǵy mańdaı aldy mamandarynyń basyn qosatyn ámbebap jıyn ekendigin atap ótken qala basshysy: «Elbasynyń qolǵa alýymen el ekonomıkasyna ınvestıtsııa tartý jumystarynyń nátıjesi búginde kórer kózge aıqyn. Tyń ıdeıa, ǵylymı jetistikter, jańa tehnologııa ónimderin qoǵam ómirine batyl engizýge qajetti ınvestıtsııa ekonomıkanyń qarqyndy damýynyń negizgi ózegi. Búginde Astana qalasy qaı salada bolmasyn serpindi damyp keledi. Elordanyń endigi basty mindeti de - qalany osynaý damý úrdisinen jańyldyrmaı ilgeri ozdyryp, álemniń úzdik shaharlarynyń qataryna qosý», - dedi.
I.Tasmaǵambetovtiń atap ótýinshe, ol úshin, ásirese, bıznes ortanyń senimine kirip, olardyń ınvestıtsııalyq kúshin ınnovatsııalyq jobalarǵa tarta bilý kerek. Sondyqtan jańadan eńsesin kóterip kele jatqan jas qalaǵa ınvestıtsııa tartý máselesi qashandy ózekti bolmaq.
«Bul oraıda búgingi bas qosý ozyq oılar men jasampaz jobalardy ortaǵa salyp, Astananyń ınvestıtsıalyq múmkindigin aıqyndaıtyn dıalog alańy dep bilemin. Igi dástúrge aınalǵan osynaý forým ınvestıtsııa salasyndaǵy túıindi máselerdi tarqatyp, durys jol usynady dep senemin», - dedi ol.
