I.Tasmaǵambetov «Dostyq jaýyngeri» halyqaralyq áskerı jarysynyń jeńimpazdaryn marapattady (FOTO)
Jarys Jambyl oblysyna qarasty "Otar" 40-ynshy áskerı bazasynda ótken bolatyn.
"Búgin - barshamyz úshin erekshe kún. Áskerı dostyq pen jaýyngerlik tatýlyqtyń, aıbyndy rýh pen kásibı sheberliktiń merekesi. Bıyl bizdiń elimiz"Dostyq jaýyngeri" atty VII halyqaralyq áskerı jarysty ótkizdi. Bul baıqaý árbir eldiń jeke quramyndaǵy áskerlerdiń, kelisimshartpen jumys ister júrgen azamattardyń jaýyngerlik qabiletin shyńdaıdy. Basqasha aıtsaq, qaziri zamanǵy turaqty áskerdiń qalyptasyp, damýyna yqpal etedi. Bıylǵy jarys burynǵy keńestik elderdiń barlyǵy atap ótetin Jeńistiń 70 jyldyǵy meıramymen tuspa-tus kelýi de beker emes. Bul - búkil adamzattyń bolashaǵy úshin jan bergen ardagerler men Otanyn kúzetetin búgingi jaýyngerler arasyndaǵy sabaqtastyqtyń belgisi",-dedi quttyqtaý sózinde I.Tasmaǵambetov.
"Dostyq jaýyngeri" atty VII halyqaralyq kásibı áskerler jarysyna barlyǵy alty eldiń, atap aıtsaq, Qazaqstan, Armenııa, Belarýs, Qyrǵyzstan, Reseı Federatsııasy jáne Tájikstannyń áskerı qyzmetkerlerá qatysty. "Alty eldiń jaýyngerleri de naǵyz kásibı ásker ekenin dáleldep, naǵyz áskerı urys ónerin, shydamdylyq pen áskerı rýh tanytty",-dep atap ótti I.Tasmaǵambetov.
Sonymen, jeńimpazdarǵa toqtalatyn bolsaq, Qazaqstan Respýblıkasy Qarýly kúshteriniń áskerıleri birinshi oryndy, Belarýs eliniń jaýyngerleri ekinshi oryndy, Reseı Federatsııasynyń áskerleri úshinshi orynǵa ıe boldy. Jarys shartyna sáıkes, áskerı sheberlik jarysyna ár elden 3 er azamat jáne bir boıjetken qatysty. Mine, Qazaqstan namysyn qorǵaǵan kishi serjanty Lıýdmıla Gýbareva "Erýdıt" jáne "Úzdik jaýynger qyz" nomınatsııalary boıynsha birinshi oryn ıelendi. Al, "Eń úzdik atlet jaýynger" nomınatsııasynda Orynbek Sándibekov, "Mergen" nomınatsııasynda aǵa serjant Rústem Sátjanov, "Kásipqoı jaýynger" atalymynda aǵa serjant Ámirjan Maýshev jeńiske ıe boldy. "Dostyq jaýyngeri" atty bas nomınatsııasy boıynsha da úsh oryndy Qazaqstannyń áskerı qyzmetkerleri jeńip alǵan.