I.Tasmaǵambetov «Batyr arýlar» baıqaýynyń jeńimpazdaryn arnaıy marapattady (FOTO)
«Batyr arýlar» baıqaýy Otan aldyndaǵy qyzmetinde ózderiniń er-azamattarmen teń dárejede ıyq tiresip kele jatqan áskerı qyzmetshi qyz-kelinshekterdi tabýǵa jáne olardyń qyzmeti týraly bilýge múmkindik berdi - bul ónege alýdyń tamasha úlgisi, jumys kúnderiniń áskerı qyzmetpen úzdiksiz baılanysy. Bertindegi álemdik tarıhta «jaýynger qyz» degen túsinik aıryqsha bolyp sanalatyn. Alaıda, HHІ ǵasyrda osyndaı áskerı qyzmetshi qyz-kelinshek nemese sarbaz qyz degen kásiptiń bolýy eshkimdi tań qaldyrmaıtyny anyq. Bunyń bir jarqyn kórinisi retinde «Batyr arýlar» baıqaýyn aıtýǵa bolady», - dedi ol. Qatysýǵa ótinish bergen sátten bastap saltanatty rásimge deıin kóptegen názik jandy arýlarǵa aýyr sanalatyn synaqtardan qyz-kelinshekter múdirmeı ótti. Olar atty, granatalar laqtyrdy, barlyq kedergilerdi eńserdi, ózennen júzip ótti, qýatty jaýyngerlik mashınalardy júrgizdi. Esterińizge sala ketsek, «Batyr arýlar» QR QK áskerı qyzmetshi qyz-kelinshekteri arasyndaǵy birinshi respýblıkalyq baıqaý. Elimizdiń túkpir-túkpirinen ótinish bergen 123 qatysýshynyń sýretteri men jeke saýalnamalary QR Qorǵanys mınıstrliginiń resmı saıtyna ornalastyrylǵan bolatyn jáne bir aı boıy ınternet paıdalanýshylarynyń daýysyn jınady. Qyryq kúndik onlaın-daýys berý nátıjesinde qatysýshylarǵa óte kóp 255 725 daýys berildi. Baıqaý qazaqstandyqtardyń ǵana emes, basqa da elderdiń turǵyndarynyń qyzyǵýshylyǵyn týǵyzdy. Daýys berýge Reseı, AQSh, Germanııa, Indonezııa jáne Úndistan elderiniń ınternet paıdalanýshylary belsene qatysty. Nátıjesinde birneshe synaqtardan múdirmeı ótip, ózderiniń jaýyngerlik ázirligin, shydamdylyǵy men myqtylyǵyn dáleldegen Qazaqstan Qarýly Kúshteriniń laıyqty ókilderi bolyp sanalatyn 12 jeńimpaz anyqtaldy. Baıqaý sońynda arýlardy kásibı stılısterdiń qolynan árlendirý jáne «Batyr arýlar» baıqaýynyń árbir jeńimpazy ár paraqty kórkeıte túsetin mamandandyrylǵan kúntizbege arnalǵan fotosessııadan ótetin bolady.