I.Tasmaǵambetov avtomatty jylytý júıeleriniń tolyq iske qosylýyn qamtamasyz etpeı ketken merdigerlerdi sotqa berýdi tapsyrdy

Búgin Astana qalasynyń ákimdiginde 2010-2011 jyldarǵy jylý maýsymyna daıyndyq boıynsha keńes ótti.

Keńes barysynda Saryarqa aýdany boıynsha turǵyn úılerdiń aldaǵy qysqa daıyndyǵy týraly esep bergen Sábıla Mustafına, aýdanda 839 kópqabatty turǵyn úıdiń 41-i táýelsiz jylytý júıesi boıynsha istep turǵanyn, onyń 28-indegi aqaýlyqtar «Astana jylýtranzıt» AQ-nyń kómegimen joıylǵandyǵyn aıtty.

«Merdigerler avtomatty jylytý júıelerin ornatpaı ketken, ne bolmasa olardy sońyna deıin jabdyqtamaǵan birqatar problemaly úıler de bar. Osyǵan oraı, paıdalanýǵa berilgen úılerdiń turǵyndary úlken qıyndyqtarǵa tap bolyp otyr», - dep atap ótti ol.

Aýdan ákiminiń sózine qaraǵanda, «Grant Alataý» turǵyn úı kesheni ótken qystan qolmen jabdyqtalǵan júıeniń arqasynda shyqqan. «Osy jáne birqatar turǵyn úıler boıynsha daıyndyq kýálikteri bıyl da qolǵa tımeıin dep otyr. Sebebi, sońyna deıin ornatylmaǵan avtomatty jylytý júıesi bul kýálikti alýǵa múmkindik bermeıdi. Sondyqtan, qala tarapynan qarjylyq qoldaýsyz atalmysh turǵyn nysandardaǵy problemalar Páter ıeleri kooperatıvteri men turǵyndardyń kúshimen sheshilmeıdi», - dedi ol.

Óz kezeginde Astana qalasynyń ákimi, eger problema merdiger áý bastan júıeni tolyǵymen jabdyqtamaı ketkende bolsa, ol problemany sol merdigerdiń moınyna ilý kerektigin qadap aıtty.

«Eger ol jobada kórsetile otyryp, merdiger oǵan tıisti qarajattardy salmaǵan bolsa, ony sotqa berý qajet. Ol úshin qala nelikten shyǵyn shyǵarýy tıis? Biz zań júzindegi barlyq protsedýralardy ótýimiz kerek. Sebebi, bıýdjetten qarajatty alý úshin oǵan sot sheshiminiń negizi kerek. Sondyqtan, esh keshiktirmesten, sotqa qujattardy daıyndaýdy tapsyramyn», - dedi I.Tasmaǵambetov.