I.Tasmaǵambetov Astana kúnine arnalǵan sharalarǵa bıletterdiń nelikten qymbat ekendigin, shaqyrý bıletter kimderge beriletindigin aıtyp berdi

Elordalyq turǵyn qala basshysynyń jeke blogyna Astana kúnin merekeleýge daıyndyqtyń deńgeıine qanaǵattanbaıtyndyǵyn bildirdi. «Іs-sharalarǵa baǵalar negizsiz qymbattatylǵan, bıletter joq, sebebi, kirý tek shaqyrý bılettermen júzege asyrylady. Ótken jyly bıletter sheneýnikter men memlekettik qurylymdardyń ózge qyzmetkerlerine taratylǵany esimizde», - dep jazǵan ol.

Óz kezeginde I.Tasmaǵambetov turǵynnyń árbir suraǵyna egjeıli-tegjeıli jaýap berdi.

«Іs-sharalarǵa negizsiz sharyqtatylǵan baǵalar boıynsha. Biz bıletterdi satý tájirıbesin tórt jyl buryn engizdik jáne baǵalar suranys pen usynystyń negizinde qoıylady. Búkil álemde demalysty uıymdastyrý - bul da naryqtyq ekonomıka.

Negizinde, bizde mereke uǵymy keńestik dáýirden jatyp isherliktiń, iri shyǵyndardyń sınonımine aınaldy. Bizdi merekeleýge ketetin shyǵyndy, ekonomıkalyq tıimdilikti esepteýge úıretpegen.

Iá, kontsertterge bıletter satylatyn bolady. Bul álemdik tájirıbe. Sebebi bıletti bul is-sharany baǵalaıtyn jáne oǵan mindetti túrde baratyn adam satyp alady.

Biz mundaı is-sharalar barysynda shaǵyn jáne orta bıznes úshin jaqsy múmkindikter ashylatyndyǵyn birneshe márte aıtqan bolatynbyz. Olardyń tapqan tabysy tikeleı aınalymǵa ketedi. Bireýler qaryzdaryn ótese, ekinshisi nesıelerin jabady. Bul rette, bankterdiń jumysy jandana túsedi. Al munyń barlyǵy qalalyq qazynaǵa túsetin - salyqtar. Al olar qalanyń problemalaryn sheshýge jumsalatyndyǵyn aıtýdyń qajeti joq.

Biz nege bıletterdi taratpaımyz? Sebep - ekeý. Bizden bıletterdi býmasymen alyp ketkender, keıin is-sharalarǵa kelmeı qalatyn. Birinshisimen tyǵyz baılanysty ekinshi sebep - ártis úshin jartylaı bos zaldy kórý halyq onyń shyǵarmashylyǵyn baǵalamaıtyndyǵyn bildiredi.

Shaqyrý bıletterine kelsek. Bizde kirý tek qana shaqyrý bıletter arqyly bolatyn bir ǵana is-shara bar. Bul áleýmettik joba - álemge belgili Dıý Soleı tsırkiniń qoıylymy. Oǵan jetim balalar, múmkindikteri shekteýli balalar, kóp balaly otbasylardyń balalary, UOS qatysýshylary, mektep olımpıadalarynda erekshelengen jáne oqý úzdikteri shaqyrylyp otyr.

Jáne bılikke jıi qoıylatyn suraqtardyń eń sońǵysy - qarajattardyń oıyn-saýyqqa jumsalatyndyǵy. Bul da olaı emes. Eger biz álemdik juldyzdyń kontsertin alyp kelsek, ony biz bıýdjetten tys qarajattarǵa jasaýdamyz. Bıýdjettik qarajatty tek másele elorda ımıdjine qatysty bolǵan kezde ǵana jumsaımyz", - dep atap ótti Astana qalasynyń ákimi.

Budan keıin, shahar basshysy Astana kúninde tegin kirýge bolatyn, dástúrge aınalǵan is-sharalardy atap ótti.

Uıymdastyrylatyn sharalar týraly tolyq aqparatty www.astanaday.kz saıtynan bilýge bolady.