I.Tasmaǵambetov «Astana qalasynyń qurmetti ákesi» atandy
ASTANA. 28 tamyz. QazAqparat - Búgin Astanada ótip jatqan Qazaqstan pedagogtarynyń Tamyz keńesi barysynda Astana qalasynyń ákimi Imanǵalı Tasmaǵambetov Ákeler odaǵynyń quramyna qabyldandy.
Іs-shara barysynda sóz alǵan «Ákeler odaǵy» qoǵamdyq birlestiginiń tóraǵasy Qýanysh Jumataev atap kórsetkendeı, sońǵy kezderi qoǵamda «Áke tek otbasynyń asyraýshysy ǵana» degen qate túsinik qalyptasyp keledi. «Biraq bunymen onyń bala tárbıeleý jolyndaǵy róli shektelmeıdi. Áke ınjener, dáriger, aqyn, saıasatker, kásipker jáne qarapaıym jumysshy bolýy múmkin. Biraq onyń qoǵamdaǵy negizgi róli - óz balalaryna úlgi bolyp, tárbıeni únemi qadaǵalap otyrý», - deıdi Q.Jumanov. Osy sózderden keıin uıym basshysy Astana qalasynyń ákimi Imanǵalı Tasmaǵambetovke arnaıy belgi tapsyryp, onyń «Ákeler odaǵy» qoǵamdyq birlestiginiń quramyna qabyldanǵandyǵyn jarııa etti. «Rahmet, aınalaıyn! Biraq men ákeden góri ata degenge jaqyn adammyn. Degenmen, alǵysym sheksiz, eńbekterińizge rahmet», - dedi qala ákimi óz sózinde.
Aıta keteıik, 2011 jyly Astanadaǵy №59 mektep-lıtseıinde «Ákeler keńesi» jobasynyń qanatqaqty úlgisi iske asyrylǵan bolatyn. Bir jyldan keıin www.ake.kz saıty ashyldy. Al aǵymdaǵy jyly mamyr aıynda II Ákeler sleti uıymdastyrylyp, onda bala tárbıesiniń ózekti máseleleri talqylandy. Onda «Ákeler odaǵy» qoǵamdyq birlestigin qurý týraly sheshim qabyldandy.
