I. Tasmaǵambetov: 11 apatty úıdiń turǵyndary Jańa jyldy jańa páterde qarsy alady
ASTANA. 27 jeltoqsan. QazAqparat - Elordada 11 apatty úıdiń turǵyndary Jańa jyldy jańa páterde qarsy alady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Astana qalasynyń ákimi Imanǵalı Tasmaǵambetov aıtty.
«Aǵymdaǵy jyly bizde 189 páterli 2 kóppáterli turǵyn úı kesheni daıyn bolyp, oǵan 11 apatty úıdiń turǵyndary kóshiriledi. Kóshirý úrdisi bastaldy. Meniń oıymsha, apatty úılerdiń turǵyndary jańa jyldy jańa páterde qarsy alady», - dedi I.Tasmaǵambetov.
Aıta keteıik, jalpy Astanada jalpy aýmaǵy 150 myń sharshy metrdi quraıtyn 228 apatty turǵyn úı bar. Olardyń 2020 jylǵa deıin joıý kózdelip otyr. Bul shara ákimdik tarapynan qabyldanǵan arnaıy baǵdarlama arqyly júzege asyrylady. Oǵan sáıkes apatty úı ıesine turyp jatqan adamdardyń sanyna qaramastan buzylatyn baspanaǵa balama sharshy metrlik páter usynylady. Biraq bul úılerdiń naryqtyq quny apatty jaǵdaıdaǵy úılerdiń baǵasymen teń bolmaıdy. Budan ary páterlerdiń 70 paıyzy naryqtyq baǵamen satylady.
