I'm a singer Kazakhstan baıqaýynyń jeńimpazy anyqtaldy
ALMATY. QazAqparat - Ánshi Roman Kım I'm a singer Kazakhstan baıqaýynyń ekinshi maýsymynda jeńimpaz atandy, dep habarlaıdy QazAqparat tilshisi.
16 jeltoqsan kúni Roman Kım I'm a singer Kazakhstan 2018 baıqaýynyń grand-fınalynda Show must go on ánimen top jardy.
Sahnaǵa shyǵar aldynda Roman Kım ánshi Álı Oqapovpen birge Batyrhan Shúkenovtyń áıgili» Qaıran kóńil-aı» ánin oryndaǵan bolatyn.
Ekinshi bolyp Nurbolat Abdýllın oryndaýshy Ergen Aıtymbetovpen birge úndi tilinde dýet oryndady.
Úshinshi qatysýshy - Ayree ánshi Araı Aıdarhanmen birge qazaq tilindegi «Qusnı Qorlan» ánin shyrqady.
Aıta keteıik, jeksenbi kúni keshke bolǵan baıqaý qorytyndysynda «Eýrovıdenıe-2016» jobasynyń jeńimpazy - Jamala (Ýkraına) Qazaqstan Respýblıkasynyń Táýelsizdik kúnine oraı qazaq tilinde «Samǵa» ánin oryndap berdi.
Eske sala ketsek, qazaq ánshisi Dımash Qudaıbergen Qytaıdaǵy Singer-2017 baıqaýynda úlken jetistikke ıe bolǵannan keıin 31-shi arna I am singer Kazakhstan baıqaýyn ótkize bastaǵan bolatyn.
Avtor: Albert Ahmetov
