I.Ilın: Kelesi beles - Rıo
ASTANA. QazAqparat - Aýyr atletıkadan Álemniń tórt dúrkin chempıony, eki márte Olımpıada chempıony Ilıa Ilın Ortalyq kommýnıkatsııalar qyzmetinde ótken brıfıngte kelesi basty maqsat - 2016 jyly Rıo-De-Janeıroda ótetin Olımpıadada jeńis tuǵyryna kóterilý ekendigin atap ótti.
"Boıymdy maqtanysh pen jaýapkershilik kernep barady, sebebi jumysymdy keremet oryndap shyqtym. Barlyǵy oıdaǵydaı. Adamdar bir qýanyshtyń aınalasynda jumyldy. Bul men úshin mańyzdy. Bir belesti asyrdyq. Endi Rıoǵa daıyndalý qajet. Bul tek ótýge tıis kelesi asýlardyń biri. Meniń aldymda ǵana emes, barsha el aldynda turǵan maqsat", - dedi chempıon.
Aıta keteıik, Ilıa Ilın Almatyda ótken aýyr atletıkadan álem chempıonatynda altyn oljalady. Budan buryn ol 2005, 2006 jáne 2011 jyldary álem chempıony atanǵan bolatyn. Sonymen qatar Ilıa Ilın eki dúrkin Olımpıada chempıony (2008, 2012).
