I. Gashparovıch Bratıslavada Qazaqstannyń saýda ókildigin ashýdy usyndy
aýryzdyń 30-y. QazAqparat /Rýslan Ǵabbasov/ - Slovakııa Prezıdenti Bratıslavada Qazaqstannyń saýda ókildigin ashýǵa usynys jasady. Bul týraly Slovakııa Prezıdenti Ivan Gashparovıch búgin Aqordada Elbasy Nursultan Nazarbaevpen ótken kelissózderden keıingi baspasóz máslıhatynda málim etti,
dep habarlaıdy QazAqparat.
Slovakııa Prezıdenti Qazaqstannyń «Eýropaǵa jol» baǵdarlamasynyń qabyldanýyna qyzyǵýshylyq tanytqanyn aıta kele, «Qazaqstan Eýropada óziniń saýda ókildigin ashýdy josparlap otyr. Osy turǵyda ıaǵnı, eger sizderdi qyzyqtyrsa, mundaı ókildiktiń Bratıslavada qurylýyna jaǵdaı jasaýǵa daıynbyz. Sebebi, Bratıslava Eýropanyń ortalyǵy bolyp tabylady», dedi ol.
I. Gashparovıch Slovakııanyń bul qalasynan Eýropanyń kez kelgen aımaǵyna jetý óte qolaıly ekenin aıtty. «Bratıslavada atalǵan ókildikti ashý ózara tıimdi bolatynyn atap ótkim keledi», dedi Slovakııa Prezıdenti.
«Men Qazaqstannyń EQYU-daǵy tóraǵalyǵyn Slovakııa memleketiniń qoldaǵanyna alǵysymdy bildiremin», dedi N. Nazarbaev.
Osy turǵyda Memleket basshysy Slovakııa memleketi bıylǵy jylǵy Astanadaǵy EQYU memleketter basshylary sammıtin ótkizýdi qoldap otyrǵanyn atap ótti. Sonymen birge, Memleket basshysy búgingi kelissózder kezinde Eýropalyq qaýipsizdiktiń jańa sáýletin qalyptastyrý, óńirdegi jaǵdaı, Aýǵanstan máseleleri talqylanǵanyn atap ótti.
