І. Esenberlınniń 100 jyldyq mereıtoıy ıÝNESKO sheńberinde atap ótilse ıgi

«2015 jyly qazaqtyń asa kórnekti klassık jazýshysy, Memlekettik syılyqtyń laýreaty, kitaptary mıllıondaǵan taralymmen álemniń kóptegen tilderine aýdarylǵan Іlııas Esenberlınniń týǵanyna 100 jyl tolady. Klassık jazýshy, ǵajaıyp sóz zergeri Іlııas Esenberlınniń eńbekteri de ushan-teńiz, ataqtary da aıtarlyqtaı. Onyń 100 jyldyq mereıtoıyn álemdik deńgeıde atap ótý eldigimizge, azamattyǵymyzǵa úlken syn. Ádebıetimiz ben mádenıetimizdiń aıtýly da maıtalman ókiliniń merekesi halyqaralyq ıÝNESKO aıasyndaǵy dúnıe júzilik dárejede  kórsetilýin halqymyz da taǵatsyz kútetini kámil. Sondyqtan da osynaý sharaǵa Sizdiń muryndyq retinde bastamashy bolýyńyzdy bek quptaımyz!», - dedi senator Úkimet basshysynyń atyna joldaǵan saýalynda.

Іlııas Esenberlın ádebıette alǵashynda aqyn retinde tanyldy. Onyń «Sultan», «Aısha», «Birjan sal tragedııasy» atty dastandary, «Adamgershilik týraly jyr» óleńder jınaǵy jaryq kórip, oqyrman iltıpatyna bólendi. 60 jyldary qalamger proza janryna bet buryp, osy aıada súbeli týyndardy dúnıege keltirdi. Atap aıtqanda: «Ózen jaǵasynda», «Tolqıdy Esil», «Adam týraly án» hıkaıattary, «Aıqas», «Qaterli ótkel», «Ǵashyqtar», «Qahar», «Almas qylysh», «Altyn qus», «Jantalas», «Kóleńkeńmen qorǵaı júr», «Amanat», «Mahabbat meıramy» romandary, «Kóshpendiler», «Altyn orda» trılogııalary birinen soń biri jarııalanyp, halyqtyń jastanyp oqıtyn shyǵarmalaryna aınaldy. Onyń 10 tomdyq shyǵarmalar jınaǵy da oqyrmandar qolynda. Jazýshynyń kórkem dúnıeleri, ásirese  «Kóshpendiler» trılogııasy orys, aǵylshyn, frantsýz, arab, qytaı, ıspan, ýkraın, lıtva, vengr, latysh,  t.b. tilderge tárjimalandy. Ol 1976 jyly respýblıkanyń Abaı atyndaǵy Memlekettik syılyǵyn ıelenip, Eńbek Qyzyl Tý, «Qurmet belgisi» ordenderimen marapattaldy. Onyń esimi Atbasar qalasyndaǵy mektepke, Almaty men Astana shaharlaryndaǵy kóshelerge berildi.

Іlııas Esenberlın 1915 jylǵy 10 qańtarda qazirgi Aqmola oblysy Esil óńirindegi Atbasar qalasynda dúnıege kelgen.