І Dúnıejúzilik soǵystyń aıaqtalǵanyna 100 jyl: Álem elderi basshylary bas qosty
ASTANA. QazAqparat - Birinshi dúnıejúzilik soǵystyń aıaqtalýyna oraı Parıjde saltanatty shara bolyp ótti, dep habarlaıdy QazAqparat euronews-qa silteme jasap.
Saltanatty sharaǵa jetpiske tarta memlekettiń, úkimetter men BUU, NATO sekildi halyqaralyq uıymdardyń basshylary, Eýropalyq keńes pen Eýropalyq komıssııanyń tóraǵalary qatysty.
1914-1918 jyldar aralyǵynda ótken Birinshi dúnıejúzilik soǵysy jaıly saltanatty sharanyń ıesi retinde Frantsııa prezıdenti Emmanýel Makron sóz sóıledi. Dál osy Frantsııanyń aýmaǵynda soǵystyń sheshýshi shaıqastary ótip, 11 qarasha kúni tańerteń bitimge kelý týraly kelisimge qol qoıylǵan bolatyn. Ol kelisim Germanııa ımperııasynyń tolyǵymen kapıtýlıatsııasyn jáne soǵystyń aıaqtalǵanyn bildirgen bolatyn. Osy kelisimnen keıin Germanııada halyqaralyq konferentsııa uıymdastyrylyp, soǵystan keıingi jańa álemniń qurylymy talqylanǵan edi.
Frantsııa prezıdenti Germanııa kantsleri Angela Merkelmen qatar júrý arqyly 1914-1918 jyldar aralyǵynda bir-birine bitimsiz qarsy soǵysqan derjavalardyń til tabysqanyn, dostasqanyn pash etti.
Shara qonaqtarynyń arasynda AQSh prezıdenti Donald Tramp pen Reseı prezıdenti Vladımır Pýtın de boldy.
