I.Álıev Armenııamen aradaǵy shekarany ashýdyń sharttaryn atady
ASTANA. Mamyrdyń 18-i. QazAqparat - Ázirbaıjan Prezıdenti Ilham Álıev, Armenııamen aradaǵy shekarany ashýdyń sharttaryn alǵash ret atady,
dep habarlaıdy «Maıak» radıosy.
«Eger Armenııa EQYU-nyń Mınsk tobynyń usynystaryna oń jaýap berse, jáne sonyń negizinde armıan qarýly kúshteri basyp alynǵan ázirbaıjan aýmaqtarynan shyǵaryla bastasa, Ázirbaıjan Armenııamen aradaǵy barlyq shekarany ashady, kommýnıkatsııalar da ashylady, jáne osylaısha aımaqta tynyshtyq pen qaýipsizdik ornatý jónindegi tolyqqandy sharalar qamtamasyz etiletin bolady», - dep málim etti Álıev Túrkııa premeri Redjep Erdoǵanmen bolǵan kelissózdiń qorytyndysy boıynsha ótken baspasóz máslıhatynda.
Álıev sondaı-aq, araǵaıyndardyń usynystaryn Ázirbaıjannyń kishigirim sharttarmen qabyldaǵanyn (bul jerde úılestirýdiń bazalyq qaǵıdalarynyń jańartylǵan nusqasy týraly sóz bolyp otyr) eske sala kelip, «armıan tarabynan da biz osyndaı sheshim kútemiz», dep atap kórsetti.
