І Álemdik etnosport oıyndaryna qandaı sport túrleri kiredi
ASTANA. QazAqparat - 2021 jyly Astanada tuńǵysh ret búkilálemdik etnosport oıyndary ótedi. Bul týraly QR Ulttyq sport qaýymdastyǵynyń prezıdenti Bekbolat Tileýhan aıtty, dep habarlaıdy QazAqparat tilshisi
«Osy jyldyń 13-14 tamyzy kúnderi Túrkııanyń Ystanbul qalasynda ıÝNESKO-nyń etnosport jónindegi keshendi IV keńesi ótti. ıÝNESKO-nyń turaqty ókilderi, 40-tan astam melmeketttiń sport mınıstrleri, depýtattary men laýazymdy tulǵalary jáne halyqaralyq sport federatsııasynyń basshylary bas qosqan keńeste 2021 jyly Astanada tuńǵysh álemdik etnosport oıyndaryn ótkizý sheshimi jarııalandy. Sóıtip biz táýelsizdigimizdiń 30 jyldyǵy qarsańynda Astanada jer jahannyń tańdaýly ulttyq oıyndarynnan ótetin sport básekelerin tamashalaıtyn bolady», - dedi Bekbolat Tileýhan OKQ-de ótken baspasóz máslıhatynda.
B.Tileýhannyń aıtýynsha, etnosport oıyndaryn olımpıada oıyndarymen jáne entofestıvaldermen salystyrýǵa bolmaıdy.
Sonymen qatar, ol aıtýly básekeni ótkizýge talasýshy memleketterdiń az bolmaǵanyn jáne ótkizýge úmitker elderdiń sporttyq jetistigi ǵana emes, sol sııaqty ekonomıkalyq turaqty damýyna da mán berilgenin aıtty.
Álemdik etnosport oıyndarynda qandaı sport túrleri bolady degen suraqqa B.Tileýhan qazaq kúresi, kókpar, teńge ilý, aýdaryspaq jáne toǵyzqumalaq ulttyq oıyndaryn usynýdy kózdep otyrmyz dep jaýap berdi.
Eske sala keteıik, buǵan deıin ıÝNESKO-nyń bastamasymen 2021 jyly І Álemdik etnosport oıyndary Qazaqstanda uıymdastyrylatyndyǵy týraly habarlaǵan bolatynbyz.
