Hıýstonda týǵan kún keshinde atys bolyp, 15 adam jaraqat aldy
ASTANA. KAZINFORM – Tehas shtaty, Hıýston qalasynyń ońtústik shyǵysynda týǵan kún keshinde bolǵan jappaı atysta bir adam qaza taýyp, taǵy 15 adam jaraqat aldy. Bul týraly Fox 26 Houston arnasy habarlady.
Oqıǵa jeksenbige qaraǵan túni saǵat 12:40 shamasynda Cherrıhıll kóshesinde bolǵan. 16 jasqa tolǵan balanyń qurmetine uıymdastyrylǵan keshke shaqyrylmaǵan adam kelgen. Kesh qatysýshylary onyń ketýin suraǵan. Ol syrtqa shyqqannan keıin oq ata bastaǵan. Oǵan jaýap retinde ishtegiler de qarý qoldanǵan.
16 men 40 jas aralyǵyndaǵy 15 adam oq jaraqatymen aýrýhanaǵa jetkizilgen. 18 jastaǵy jigit medıtsınalyq mekemede kóz jumǵan.
Qazirgi ýaqytta atysqa kúdikti adamnyń kim ekeni anyqtalǵan joq. Polıtsııa oqıǵaǵa qatysy bar adamdardy izdep jatyr. Kýágerlerden quqyq qorǵaý organdaryna habarlasý suraldy.
Aıta keteıik, buǵan deıin Florıda shtaty ýnıversıtetinde bolǵan atys kezinde tórt adam jaraqat alǵanyn jazdyq.